Sports

ഇന്ദ്രനൂയി ഐസിസിയുടെ ആദ്യ സ്വതന്ത്ര ഡയറക്ടർ

ദുബായ് : പെപ്സികോ മേധാവി ഇന്ദ്ര നൂയിയെ ഇന്റർനാഷണൽ ക്രിക്കറ്റ് കൗൺസിലിന്റെ ആദ്യ സ്വതന്ത്ര വനിത ഡയറക്ടറായി നിയമിച്ചു. ഈ വർഷം ജൂണിൽ നൂയി ക്രിക്കറ്റ് കൗൺസിലിന്റെ ബോർഡിൽ ഡയറക്ടറായി ചേരും. വിവരം ഐസിസി ഔദ്യോഗികമായി പുറത്തുവിട്ടു.

ജൂൺ 2017 ലാണ് ഐസിസി സ്വതന്ത്ര ഡയറക്ടറായി വനിതകളെ എടുക്കണമെന്ന നിയമ ഭേദഗതി കൊണ്ടുവന്നത്. ലോകത്തിലെ ഏറ്റവും ശക്തരായ വനിതകളിൽ ഒരാളായി കണക്കാക്കപ്പെടുന്ന ന്യൂയി പെപ്സി കോയുടെ ചെയർമാനും സി‌ഇ‌ഒയുമാണ്.

ഇന്ദ്രയെ ഐസിസിയിലേക്ക് ആഹ്ളാദപൂർവ്വം സ്വാഗതം ചെയ്യുന്നതായി ചെയർമാൻ ശശാങ്ക് മനോഹർ പറഞ്ഞു. ഭരണ നിർവ്വഹണം കാര്യക്ഷമമാക്കാൻ എടുത്ത പ്രധാന നടപടികളിലൊന്നായി വനിത ഡയറക്ടറുടെ തെരഞ്ഞെടുപ്പിനെ മനോഹർ വിശേഷിപ്പിച്ചു.

ടീം വർക്കും ആരോഗ്യകരമായ മത്സരവുമുള്ള ക്രിക്കറ്റിനെ താൻ ഇഷ്ടപ്പെടുന്നതായി ഇന്ദ്ര ന്യൂയി വ്യക്തമാക്കി. രണ്ടു വർഷമാണ് സ്വതന്ത്ര ഡയറക്ടറുടെ കാലാവധി. വീണ്ടും തെരഞ്ഞെടുക്കപ്പെട്ടാൽ തുടർച്ചയായി മൂന്നു ടേം ഡയറക്ടറായി തുടരാം.

Shares 157

Post Your Comments

Close
Close