ജോഹന്നാസ്ബർഗ്: ഇന്ത്യ- ദക്ഷിണാഫ്രിക്ക ട്വന്‍റി-20 പരമ്പരയ്ക്ക് ഇന്ന് തുടക്കം. ഏകദിനത്തിന് പിന്നാലെ ട്വന്‍റി-20 പരമ്പരയും ലക്ഷ്യമിട്ടാണ് ടീം ഇന്ത്യ ഇന്ന് ഇറങ്ങുന്നത്.
സുരേഷ് റെയ്ന, ഇടങ്കൈയൻ പേസർ ജയ്‍ദേവ് ഉനദ്‍ഘട്ട് എന്നിവരുടെ മടങ്ങി വരവ് ടീമിന് കരുത്ത് പകരും. കുട്ടി ക്രിക്കറ്റിൽ 2000 റൺസ് തികയ്‌ക്കാൻ 44 റൺസ് കൂടി വേണ്ട നായകൻ കോഹ് ലിയുടെ പ്രകടനമാണ് ഏവരും ഉറ്റുനോക്കുന്നത്.
ഫാഫ് ഡുപ്ലസിസിന്‍റെ അഭാവത്തിൽ ജെ പി ഡുമിനിയാണ് ടീമിനെ നയിക്കുന്നത്. ഇന്ത്യൻ സമയം വൈകിട്ട് ആറിന് ജോഹന്നസ്ബർഗിലാണ് മത്സരം.
