കോഴിക്കോട്: അറുപത്തി ആറാമത് സീനിയർ ദേശീയ വോളിബാൾ ചാംപ്യൻഷിപ്പിന് കോഴിക്കോട് കൊടിയേറി. മുഖ്യമന്ത്രി പിണറായി വിജയൻ വീഡിയോ കോൺഫറൻസ് വഴി ഉദ്ഘാടനം ചെയ്തു. നാളെ മുതൽ മത്സരങ്ങൾ ആരംഭിക്കും.
അർജുനാ അവാർഡ് ജേതാവായ കെ സി ഏലമ്മയുടെ നേതൃത്വത്തിലുള്ള ദീപശിഖാ പ്രയാണത്തോടെയാണ് അറുപത്തിആറാമത് സീനിയർ ദേശിയ വോളിബാൾ ചാമ്പ്യൻഷിപ്പിന് തുടക്കമായാത്.
നാളെ രാവിലെ 7.30 മുതൽ മത്സരങ്ങൾ ആരംഭിക്കും . വികെ കൃഷണ മേനോൻ സ്റ്റേഡിയം. കാലിക്കറ്റ് ട്രേഡ് സെന്റർ ഇൻഡോർ സ്റ്റേഡിയം തുടങ്ങിയവിടങ്ങളിലായി നടക്കുന്നമത്സരങ്ങളിൽ രാജ്യത്തിന്റെ വിവിധ ഭാഗങ്ങളിൽ നിന്നുള്ള 54 ടീമുകളാണ് മത്സരിക്കുക. ഉദ്ഘാടനത്തോടനുബന്ധിച്ച് വിവിധ കലാ സാംസ്കാരിക പരിപാടികളും നടന്നു.