സ്റ്റാംഫോർഡ് ബ്രിഡ്ജ്: ചാംപ്യൻസ് ലീഗ് ഫുട്ബോളിന്റെ ആദ്യ പാദ പ്രീക്വാർട്ടറിൽ ബാഴ്സലോണയ്ക്ക് സമനില കുരുക്ക്. സ്റ്റാംഫോർഡ് ബ്രിഡ്ജിൽ നടന്ന പോരാട്ടത്തിൽ, ബാഴ്സയെ ചെൽസി സമനിലയിൽ തളച്ചു.
ഇരു ടീമും ഓരോ ഗോൾ വീതം നേടി. ചെൽസിക്കായി ബ്രസീലിയൻ സ്ട്രൈക്കർ വില്യൻ സ്കോർ ചെയ്തപ്പോൾ, ബാഴ്സയ്ക്കായി സൂപ്പർ താരം ലയണൽ മെസ്സി വല ചലിപ്പിച്ചു. മത്സരത്തിൽ ചെൽസി ആധിപത്യം പുലർത്തി.
മറ്റൊരു മത്സരത്തിൽ ഏകപക്ഷീയമായ അഞ്ച് ഗോളുകൾക്ക് ജർമ്മൻ കരുത്തരായ ബയേൺ മ്യൂണിക് ബേസിക്കിറ്റസിനെ പരാജയപ്പെടുത്തി. ബയേണിനായി തോമസ് മുള്ളറും ലവൻഡോവിസ്ക്കിയും ഇരട്ട ഗോളുകൾ നേടി.