കോഴിക്കോട്: ദേശീയ സീനിയര് വോളിബോള് ചാമ്പ്യന്ഷിപ്പില് കേരളത്തിന്റെ പുരുഷ വനിതാ ടീമുകള്ക്ക് തുടര്ച്ചയായ രണ്ടാം ദിവസവും ജയം. ജയത്തോടെ കേരളം പ്രീക്വാര്ട്ടറിലെത്തി.
നേരിട്ടുള്ള മൂന്നു സെറ്റുകള്ക്ക് പുരുഷ വിഭാഗം ആന്ധ്രാ പ്രദേശിനെയും, വനിതാ വിഭാഗം ടീം ഉത്തര്പ്രദേശിനെയും പരാജയപ്പെടുത്തി. പുരുഷ വിഭാഗം 27-25, 25-23,25-14 എന്ന സ്കോര് നേടിയാണ് ആന്ധ്രയെ തോല്പ്പിച്ചത്. വനിതകളുടെ ജയവും നേരിട്ടുള്ള സെറ്റുകള്ക്കായിരുന്നു 25-15, 25-10, 25-14.
ഇന്ന് നടക്കുന്ന മത്സരത്തില് പുരുഷ വിഭാഗം ടീം പഞ്ചാബിനെയും, വനിതാ വിഭാഗം ടീം മഹാരാഷ്ട്രയേയും നേരിടും. ആദ്യമത്സരത്തില് പുരുഷന്മാരുടെ ടീം രാജസ്ഥാനെയും വനിത ടീം തെലുങ്കാനയെയും പരാജയപ്പെടുത്തിയിരുന്നു.
