ക്രിക്കറ്റ് മാന്യന്മാരുടെ കളിയാണ്,മാന്യമായി തന്നെ കളിക്കണം ; പന്ത് ചുരണ്ടൽ വിവാദം, താരങ്ങളുടെ വിലക്ക് സ്വാഗതം ചെയ്ത് സച്ചിൻ

മുംബൈ: പന്ത് ചുരണ്ടൽ വിവാദത്തിന്‍റെ പേരിൽ ഓസ്ട്രേലിയൻ താരങ്ങളായ സ്റ്റീവ് സ്മിത്തിനും ഡേവിഡ് വാർണർക്കും വിലക്ക് ഏർപ്പെടുത്തിയ ക്രിക്കറ്റ് ഓസ്ട്രേലിയയുടെ നടപടിയെ സ്വാഗതം ചെയ്ത് സച്ചിൻ തെൻഡുൽക്കർ.

“ക്രിക്കറ്റ് മാന്യന്മാരുടെ കളിയാണ്. അത് മാന്യമായി തന്നെ കളിക്കണം. സംഭവിച്ചതെന്തു തന്നെയായാലും ക്രിക്കറ്റ് ഓസ്ട്രേലിയ എടുത്ത തീരുമാനം സ്വാഗതാർഹമാണ്”- സച്ചിൻ പറഞ്ഞു.

ക്രിക്കറ്റിന്‍റെ വിശ്വാസ്യത കാത്തുസുക്ഷിക്കുന്ന നടപടിയാണ് താരങ്ങളെ വിലക്കിയതിലൂടെ ക്രിക്കറ്റ് ഓസ്ട്രേലിയ ചെയ്തതതെന്നും സച്ചിൻ ട്വീറ്റ് ചെയ്തു.

കളി ജയിക്കുന്നതിനൊപ്പം തന്നെ പ്രധാനമാണ് അത് എങ്ങനെ ജയിക്കുന്നു എന്നതും, സച്ചിൻ തന്‍റെ ട്വീറ്റിൽ കൂട്ടിച്ചേർത്തു.

വിഷയത്തിൽ ആദ്യമായാണ് സച്ചിൻ പ്രതികരിക്കുന്നത്.

Cricket has been known as a gentleman's game. It's a game that I believe should be played in the purest form. Whatever has happened is unfortunate but the right decision has been taken to uphold the integrity of the game. Winning is important but the way you win is more important

— Sachin Tendulkar (@sachin_rt) March 28, 2018