ന്യൂഡൽഹി: സൂപ്പർ കപ്പ് ഫുട്ബോളിലെ ആവേശകരമായ മത്സരത്തിൽ ജംഷഡ്പൂർ എഫ്.സി ടൈബ്രേക്കറിൽ മിനർവ പഞ്ചാബിനെ തോൽപ്പിച്ച് ക്വാർട്ടറിൽ പ്രവേശിച്ചു. സഡൻ ഡെത്തിലായിരുന്നു മത്സരത്തിന്റെ വിധിയെഴുത്ത്.
നിശ്ചിത സമയത്തും അധികസമയത്തും ഗോൾരഹിത സമനില പാലിച്ചതോടെയാണ് മത്സരം പെനാൽറ്റി ടൈബ്രേക്കറിലേക്ക് നീങ്ങിയത്. ഷൂട്ടൗട്ടിലെ അഞ്ച് കിക്കുകൾ പിന്നിട്ടപ്പോഴും ഇരു ടീമും 4 ഗോൾ വീതം നേടി തുല്യത പാലിച്ചു.
തുടർന്ന് സഡൻഡെത്തിലേക്ക് നീങ്ങുകയായിരുന്നു.
