മൊഹാലി: ഐപിഎല്ലിൽ ഡൽഹി ഡെയർ ഡെവിൾസിനെതിരെ കിംഗ്സ് ഇലവൻ പ‍ഞ്ചാബിന് ആറ് വിക്കറ്റ് ജയം. 167 റൺസ് വിജയലക്ഷ്യം പിന്തുടർന്ന പഞ്ചാബ് ഏഴ് പന്ത് ശേഷിക്കെ മറികടന്നു.
ഐപിഎല്ലിലെ ഏറ്റവും വേഗമേറിയ അർദ്ധ സെഞ്ച്വറി നേടിയ ലോകേഷ് രാഹുലിന്റെയും മലയാളി താരം കരുൺ നായരുടെയും വെടിക്കെട്ടാണ് പഞ്ചാബിന്റെ ജയം അനായാസമാക്കിയത്. 14 പന്തിൽ അർദ്ധ സെഞ്ച്വറി നേടിയ രാഹുൽ 51 റൺസ് നേടി. കരുൺ നായർ 50 റൺസ് എടുത്തു.
https://www.facebook.com/janamtelevision/videos/1691306584272366/
ടോസ് നഷ്ടപ്പെട്ട് ആദ്യം ബാറ്റ് ചെയ്ത ഡൽഹി ഏഴ് വിക്കറ്റ് നഷ്ടത്തിലാണ് ഭേദപ്പെട്ട സ്കോർ പടുത്തുയർത്തിയത്. ഗൗതം ഗംഭീർ 55 ഉം ഋഷഭ് പന്ത് 28 ഉം ക്രിസ് മോറിസ് 27 ഉം റൺസ് എടുത്തു.
രാത്രി എട്ടിന് കൊൽക്കത്ത ഈഡൻ ഗാർഡൻസിൽ നടക്കുന്ന രണ്ടാം മത്സരത്തിൽ കൊൽക്കത്ത നൈറ്റ് റൈഡേഴ്സ് റോയൽ ചലഞ്ചേഴ്സ് ബാംഗ്ലൂരിനെ നേരിടും.
