ന്യൂഡല്ഹി: സുരക്ഷിതമായി ഇന്റര്നെറ്റും സമൂഹ മാദ്ധ്യമങ്ങളും ഇമെയിലും ഉപയോഗിക്കാന് സ്ത്രീകള്ക്ക് പരിശീലനം നല്കാനൊരുങ്ങി ഫേസ്ബുക്ക്. രാജ്യത്തുടനീളമുള്ള വിവിധ യൂണിവേഴ്സിറ്റികളിലെ 60000 വനിതകള്ക്കാണ് പരിശീലനം നല്കുന്നത്. ദേശീയ വനിതാ കമ്മീഷനുമായി സഹകരിച്ചാണ് ഫേസ്ബുക്ക് ഈ ഡിജിറ്റല് സാക്ഷരത പദ്ധതി നടപ്പിലാക്കുന്നത്.
പ്രാദേശിക ഭാഷയിലായിരിക്കും സ്ത്രീകള്ക്ക് പരിശീലനം നല്കുന്നത്.
നിരവധി സ്ത്രീകളാണ് ഇപ്പോള് ഇന്റര്നെറ്റിന്റെ സാധ്യതകള് പ്രയോജനപ്പെടുത്തുന്നത്. അതേ പോലെ തന്നെ കഴിഞ്ഞ മൂന്ന് വര്ഷത്തിനിടെ സ്ത്രീകള്ക്കെതിരായ സൈബര് കുറ്റകൃത്യങ്ങളും വര്ധിച്ചതായി വനിതാ കമ്മീഷന് വ്യക്തമാക്കി. ഇത് ആശങ്കപ്പെടുത്തുന്നതാണ്. ഓണ്ലൈനില് ആയിരിക്കുന്ന അവസരത്തില് പോലും അവര്ക്ക് ഇന്റര്നെറ്റില് സുരക്ഷിതത്വം ഉറപ്പു വരുത്തുകയാണ് പരിശീലനത്തിന്റെ ലക്ഷ്യമെന്ന് ദേശീയ വനിതാ കമ്മീഷന് ആക്റ്റിംഗ് ചെയര്പേര്സണ് രേഖ ശര്മ്മ പറഞ്ഞു. നമ്മുടെ പെണ്കുട്ടികള്ക്കും സ്ത്രീകള്ക്കും ഈ പരിശീലനത്തിലൂടെ പ്രയോജനം ലഭിക്കുമെന്നും അവര് പറഞ്ഞു.
ഹരിയാന, ഡല്ഹി, മണിപ്പൂര്, സിക്കിം, മേഘാലയ, മഹാരാഷ്ട്ര, തമിഴ്നാട് തുടങ്ങിയ സംസ്ഥാനങ്ങളിലെ പ്രധാന നഗരങ്ങളിലെ യൂണിവേഴ്സിറ്റികളിലെല്ലാം പരിപാടി സംഘടിപ്പിക്കും.
