നെല്ലിക്ക എല്ലാവര്ക്കും ഇഷ്ടമാണ്. ഇന്ത്യന് ഗൂസ്ബെറി എന്ന ഇംഗ്ലീഷ് പേരില് അറിയപ്പെടുന്ന നെല്ലിക്കക്ക് ധാരാളം ഔഷധമൂല്യങ്ങളുണ്ട്. ശരീരപോഷണത്തിനും രോഗപ്രതിരോധ ശേഷി നല്കുന്നതിനും സഹായകരമാകുന്ന വൈറ്റമിന് സിയുടെ കലവറയാണ് നെല്ലിക്ക. ജീവകം സി യുടെ അംശം ഓറഞ്ചിലുള്ളതിനെക്കാള് ഇരുപത് ഇരട്ടി കൂടുതലാണ് നെല്ലിക്കയില്. ജീവകം ബി, ഇരുമ്പ്, കാല്സ്യം എന്നിവയും നെല്ലിക്കയില് അടങ്ങിയിട്ടുണ്ട്. നിരവധി രോഗങ്ങളുടെ ശമനത്തിനുള്ള ഔഷധമായി നെല്ലിക്ക നമ്മുടെ നാട്ടില് പാരമ്പര്യമായി ഉപയോഗിച്ചുവരുന്നുണ്ട്. നെല്ലിക്ക കഴിച്ചാലുളള ചില ഗുണങ്ങള് നോക്കാം
* കാഴ്ചശക്തി മെച്ചപ്പെടുത്തുന്നു. വിറ്റാമിന് സി മികച്ച ആന്റി ഓക്സിഡന്റാണ്. കാഴ്ചശക്തി മെച്ചപ്പെടുത്തുന്നതിനും തിമിരസാധ്യത കുറയ്ക്കുന്നതിനും നെല്ലിക്ക സഹായകമാകും. നെല്ലിക്കാനീരും തേനും ചേര്ത്തു കഴിക്കുന്നതും കാഴ്ചശക്തി നിലനിര്ത്തും.
* മുടികൊഴിച്ചിലിന് ഫലപ്രദമായ ഔഷധമാണ് നെല്ലിക്ക. നെല്ലിക്കാനീര് കൃത്യമായ അളവില് എള്ളെണ്ണയില് കാച്ചി തലയില് തേച്ചു കുളിച്ചാല് മുടികൊഴിച്ചില് മാറും. അകാലനര പ്രതിരോധിക്കാനും നല്ലതാണ്.
* ദിവസവും നെല്ലിക്ക കഴിച്ചാല് രോഗപ്രതിരോധശക്തി മെച്ചപ്പെടും. നിരവധി ആയുര്വേദമരുന്നുകളില് നെല്ലിക്ക പ്രധാന ഘടകമാണ്. ച്യവനപ്രാശത്തിലെ മുഖ്യഘടകമാണ്.
* നെല്ലിക്കയിലെ കാല്സ്യം പല്ലുകളുടെയും എല്ലുകളുടെയും ആരോഗ്യം മെച്ചപ്പെടുത്തുന്നു. ഭക്ഷണത്തിലെ മറ്റ് പോഷകങ്ങളെ ശരീരത്തിലേക്കു വലിച്ചെടുക്കുന്ന പ്രവര്ത്തനങ്ങള് കാര്യക്ഷമമാകുന്നതിനും നെല്ലിക്ക നല്ലതാണ്.
* നെല്ലിക്കയിലുള്ള ഘടകങ്ങളായ ഗാലിക് ആസിഡ്, ഗലോട്ടാനിന്, എലജിക് ആസിഡ്, കോറിലാജിന് എന്നിവ പ്രമേഹത്തെ തടയുന്നു.
* ദഹനപ്രക്രിയയെ സുഗമമാക്കുവാനുള്ള കഴിവ് നെല്ലിക്കയ്ക്ക് ഉണ്ട്. ഭക്ഷണത്തിനു മുന്പ് നെല്ലിക്കയുടെ നീര് കഴിച്ചാല് ദഹന പ്രശ്നങ്ങള് മാറിക്കിട്ടും.
* വിളര്ച്ച തടയാന് സഹായിക്കുന്നു. നെല്ലിക്കയില് അടങ്ങിയിരിക്കുന്ന അയണ് ചുവന്ന രക്താണുക്കളുടെ എണ്ണം കൂട്ടുന്നു. ഗ്യാസ്, വയറെരിച്ചില് എന്നിവ കുറക്കുന്നു.
