രാജ്കോട്ട് : അരങ്ങേറ്റത്തിൽ സെഞ്ച്വറിയടിച്ച് ഇന്ത്യൻ കൗമാര താരം പൃഥ്വി ഷാ . വെസ്റ്റിൻഡീസിനെതിരായ ആദ്യ ടെസ്റ്റിലാണ് ഷാ സെഞ്ച്വറി നേടിയത് . നിലവിൽ ഒരു വിക്കറ്റിന് 175 റൺസ് എന്ന നിലയിലാണ് ഇന്ത്യ.
ഏകദിന ശൈലിയിൽ ബാറ്റ് വീശിയ ഷാ 99 പന്തിലാണ് സെഞ്ച്വറി തികച്ചത്. പതിനഞ്ച് ബൗണ്ടറികൾ ഇന്നിംഗ്സിന് കരുത്തേകി.തമിഴ്നാടിനെതിരെ രഞ്ജി ട്രോഫിയിൽ മുംബൈക്ക് വേണ്ടിയായിരുന്നു ഷായുടെ അരങ്ങേറ്റം. ഐപിഎല്ലിൽ ഡൽഹി ഡെയർ ഡെവിൾസിന്റെ താരമാണ്. ലോകകപ്പ് അണ്ടർ 19 കിരീടം നേടിയപ്പോൾ ടീം ക്യാപ്ടനായിരുന്നു പൃഥ്വി ഷാ
