മുംബൈ: വെസ്റ്റ് ഇൻഡീസിനെതിരായ മുംബൈ ഏകദിനത്തിൽ ഇന്ത്യയ്ക്ക് തകർപ്പൻ ജയം. വിൻഡീസിനെ 224 റൺസിനാണ് തകർത്തത്. ഇന്ത്യ ഉയർത്തിയ 378 റൺസ് വിജയലക്ഷ്യം പിന്തുടർന്ന വെസ്റ്റ് ഇൻഡീസ് 153 റൺസിന് പുറത്തായി.
54 റൺസെടുത്ത ജേസൺ ഹോൾഡറിന് മാത്രമെ ഇന്ത്യൻ ബൗളർമാരെ അൽപ്പമെങ്കിലും ചെറുക്കാനായുള്ളൂ. ഇന്ത്യയ്ക്കായി ഖലീൽ അഹമ്മദും കുൽദീപ് യാദവും മൂന്ന് വീതം വിക്കറ്റ് വീഴ്ത്തി.
നേരത്തെ രോഹിത് ശർമ്മയുടെയും അമ്പാട്ടി റായിഡുവിന്റെയും സെഞ്ച്വറിയുടെ മികവിലാണ് ഇന്ത്യ കൂറ്റൻ സ്കോർ നേടിയത്. 162 റൺസ് നേടിയ രോഹിത് ശർമ്മയാണ് കളിയിലെ കേമൻ.
