തിരുവനന്തപുരം: രഞ് ജി ട്രോഫി ക്രിക്കറ്റിൽ കേരളത്തിന് അവിശ്വസനീയ തിരിച്ചുവരവ്. വിഷ്ണു വിനോദിന്റെയും സച്ചിൻ ബേബിയുടെയും സെഞ്ച്വറി പ്രകടനമാണ് കേരളത്തിന്റെ തിരിച്ചുവരവിന് വഴിയൊരുക്കിയത്. കന്നി സെഞ്ച്വറിയിലൂടെ മികച്ച പ്രകടനം കാഴ്ചവച്ച വിഷ്ണുവിന് ഇരട്ട സെഞ്ച്വറി 7 റൺസ് അകലെയാണ് നഷ്ടമായത്.
നാലാം ദിവസമായ ഇന്ന് കേരളത്തിന്റെ ശേഷിക്കുന്ന രണ്ട് വിക്കറ്റുകളും നഷ്ടമായി. 193 റൺസുമായി വിഷ്ണു പുറത്താകാതെ നിന്നപ്പോൾ 57 റൺസുമായി ബേസിൽ തമ്പിയും റൺസൊന്നുമെടുക്കാതെ സന്ദീപ് വാര്യരുുമാണ് പുറത്തായത്. രണ്ടാം ഇന്നിംഗ്സിൽ 455 റൺസ് നേടിയ കേരളത്തിന് 190 റൺസിന്റെ ലീഡാണുള്ളത്.
ആദ്യ ഇന്നിംഗ്സിൽ 63 റൺസിന് ഓൾഔട്ട് ആയ കേരളം ഇന്നിംഗ്സ് തോൽവിയിലേക്ക് കൂപ്പുകുത്താതെ കാത്തത് സച്ചിന്റെയും വിഷ്ണുവിന്റെയും പ്രകടനമാണ്.
