പെർത്ത്: പെർത്ത് ക്രിക്കറ്റ് ടെസ്റ്റിൽ ഓസ്ട്രേലിയയ്ക്കെതിരെ ഇന്ത്യയ്ക്ക് 287 റൺസ് വിജയ ലക്ഷ്യം. രണ്ടാം ഇന്നിംഗ്സിൽ ഓസ്ട്രേലിയ 243 റൺസിനു പുറത്തായി. 6 വിക്കറ്റെടുത്ത പേസ് ബൗളർ മുഹമ്മദ് മുഹമ്മദ് ഷമിയുടെ ബൗളിംഗാണ് ഓസീസിനെ തകർത്തത്.
ഒരു ഘട്ടത്തിൽ 190/4 എന്ന നിലയിലായിരുന്ന ഓസ്ട്രേലിയയ്ക്ക് 51 റൺസെടുക്കുന്നതിനിടയ്ക്കാണ് അവസാന 6 വിക്കറ്റുകൾ നഷ്ടമായത്. നേരത്തെ ആദ്യ ഇന്നിംഗ്സിൽ 43 റൺസിന്റെ ലീഡ് ഓസ്ട്രേലിയ നേടിയിരുന്നു. ഇതോടെ 287 റൺസായി മത്സരത്തിൽ ഇന്ത്യയുടെ വിജയ ലക്ഷ്യം.
അതേസമയം 287 റൺസ് വിജയലക്ഷ്യവുമായി രണ്ടാം ഇന്നിംഗ്സ് ബാറ്റിംഗ് ആരംഭിച്ച ഇന്ത്യയ്ക്ക് മോശം തുടക്കം. 54 റൺസ് എടുക്കുന്നതിനിടെ നായകൻ വിരാട് കോഹ്ലി അടക്കം മൂന്ന് മുൻ നിര ബാറ്റ്സ്മാൻമാർ കൂടാരം കയറി.
