പെർത്ത്: പെർത്ത് ക്രിക്കറ്റ് ടെസ്റ്റിൽ ഓസ്ട്രേലിയയ്ക്കെതിരെ ഇന്ത്യക്ക് തോൽവി. 146 റൺസിനാണ് ഇന്ത്യയുടെ തോൽവി. 287 റൺസ് വിജയ ലക്ഷ്യം പിന്തുടർന്ന ഇന്ത്യ 140 റൺസിന് ഓൾ ഔട്ടായി. അവസാന ദിനമായ ഇന്ന് ഇന്ത്യക്ക് 28 റൺസ് മാത്രമേ കൂട്ടിച്ചേർക്കാനായുള്ളൂ.
അഞ്ചാം ദിനം അഞ്ചിന് 112 റൺസ് എന്ന നിലയിൽ ബാറ്റിങ് പുനഃരാരംഭിച്ച ഇന്ത്യയ്ക്ക് ജയിക്കണമെങ്കിൽ അത്ഭുതങ്ങൾ സംഭവിക്കണമായിരുന്നു. അഞ്ച് വിക്കറ്റ് നഷ്ടത്തിൽ 112 റൺസ് എന്ന നിലയിൽ അഞ്ചാം ദിനം കളി ആരംഭിച്ച ഇന്ത്യ സ്കോർബോർഡിൽ 28 റൺസ് കൂട്ടിച്ചേർക്കുന്നതിനിടയിൽ ശേഷിക്കുന്ന അഞ്ച് ബാറ്റ്സ്മാൻമാരും കൂടാരം കയറി.
നേരത്തെ, 43 റൺസിന്റെ ലീഡ് നേടിയ ഓസ്ട്രേലിയ രണ്ടാം ഇന്നിംഗ്സിൽ 243 റൺസിന് പുറത്തായിരുന്നു. 6 വിക്കറ്റെടുത്ത പേസ് ബൗളർ മുഹമ്മദ് മുഹമ്മദ് ഷമിയുടെ ബൗളിംഗാണ് ഓസീസിനെ തകർത്തത്.ഒരു ഘട്ടത്തിൽ 190/4 എന്ന നിലയിലായിരുന്ന ഓസ്ട്രേലിയയ്ക്ക് 54 റൺസെടുക്കുന്നതിനിടയ്ക്കാണ് അവസാന 6 വിക്കറ്റുകൾ നഷ്ടമായത്.
