മെൽബൺ: ഇന്ത്യ – ഓസ്ട്രേലിയ മൂന്നാം ക്രിക്കറ്റ് ടെസ്റ്റിന് നാളെ മെൽബണിൽ തുടക്കമാകും. ബോക്സിംഗ് ഡേയിൽ നടക്കുന്ന നിർണായക മത്സരത്തിൽ വിജയപ്രതീക്ഷയുമായാണ് ഇരു ടീമുകളും ഇറങ്ങുന്നത്. ബോക്സിംഗ് ഡേ ടെസ്റ്റിൽ തോൽവി അറിയാതെ മുന്നേറുന്ന ഓസ്ട്രേലിയയ്ക്ക് കടുത്ത വെല്ലുവിളിയാണ് ഇന്ത്യ ഉയർത്തുന്നത്.
ഇരു ടീമുകളും അന്തിമ ഇലവനെ പ്രഖ്യാപിച്ചിട്ടുണ്ട്. ഇന്ത്യൻ നിരയിൽ മായങ്ക് അഗർവാൾ ഓപ്പണറായി അരങ്ങേറ്റം കുറിക്കും. മോശം ഫോം തുടരുന്ന ഓപ്പണർമാരായ മുരളി വിജയ്, ലോകേഷ് രാഹുൽ എന്നിവരെ ഒഴിവാക്കി. ഹനുമ വിഹാരി മായങ്കിനൊപ്പം ഇന്നിംഗ്സ് ഓപ്പൺ ചെയ്യും. ഉമേഷ് യാദവിന് പകരം സ്പിന്നർ രവീന്ദ്ര ജഡേജയെ അന്തിമ ഇലവനിൽ ഉൾപ്പെടുത്തി. മധ്യനിരയിൽ രോഹിത് ശർമ്മ ഇറങ്ങും.
നാല് ടെസ്റ്റുകളുടെ പരമ്പരയിൽ ഇരു ടീമുകളും ഓരോ ജയം നേടിയിരുന്നു.
