സിഡ്‌നി: ഓസ്‌ട്രേലിയന്‍ മണ്ണില്‍ ചരിത്രം കുറിച്ച് ടീം ഇന്ത്യ. ഓസ്‌ട്രേലിയയെ 2-1ന് പരാജയപ്പെടുത്തി ഇന്ത്യ ടെസ്റ്റ് പരമ്പര സ്വന്തമാക്കി. അവസാന ദിവസത്തെ കളി മഴ മൂലം തടസ്സപ്പെട്ടതോടെ മത്സരം സമനിലയിലായതായി തീരുമാനിക്കുകയായിരുന്നു. ഇതോടെ ഓസീസ് മണ്ണില്‍ ടെസ്റ്റ് പരമ്പര വിജയിക്കുന്ന ആദ്യ ക്യാപ്റ്റനെന്ന ബഹുമതി വിരാട് കോഹ്‌ലി സ്വന്തമാക്കി.
ഫാസ്റ്റ് ബൗളര്‍മാരുടെ മികവും ഇന്ത്യന്‍ ജയത്തില്‍ നിര്‍ണായകമായി. മൂന്നു സെഞ്ച്വറി നേടിയ ചേതേശ്വര്‍ പൂജാരയാണ് പരമ്പരയിലെ താരം. ഒന്നാം ഇന്നിംഗ്‌സില്‍ ഓസീസിനെ 300 റണ്‍സിന് പുറത്താക്കിയ ഇന്ത്യ 322 റണ്‍സിന്റെ ലീഡ് സ്വന്തമാക്കിയിരുന്നു. അഞ്ച് വിക്കറ്റ് നേടിയ കൂല്‍ദീപ് യാദവും മികച്ച പ്രകടനമാണ് പുറത്തെടുത്തത്. മഴ മൂലം നാലാം ദിവസത്തെ ആദ്യ സെഷന്‍ മുഴുവന്‍ നഷ്ടമായിരുന്നു.
