കൃഷ്ണഗിരി: രഞ്ജി ട്രോഫി ക്രിക്കറ്റ് ക്വാർട്ടർ ഫൈനലിൽ കേരളത്തിനെതിരെ ഗുജറാത്തിന് 195 റൺസ് വിജയലക്ഷ്യം. രണ്ടാം ദിനത്തിൽ 23 റൺസിന്‍റെ ലീഡുമായി രണ്ടാം ഇന്നിംഗ്സ് ബാറ്റിംഗിന് ഇറങ്ങിയ കേരളം 171 റൺസിന് പുറത്തായി. സിജോമോൻ ജോസഫ് 56 ഉം ജലജ് സക്സേന പുറത്താകാതെ 44 ഉം റൺസ് എടുത്തു. അഞ്ച് ബാറ്റ്സ്മാന്മാ‍ർ പൂജ്യത്തിന് പുറത്തായി.
നേരത്തെ ഗുജറാത്തിന്‍റെ ഒന്നാം ഇന്നിംഗ്സ് 162 റൺസിന് അവസാനിച്ചിരുന്നു. 43 റൺസെടുത്ത പാർത്ഥിവ് പട്ടേലാണ് ഗുജറാത്തിന്‍റെ ടോപ് സ്കോറർ. കേരളത്തിന് വേണ്ടി സന്ദീപ് വാര്യർ നാലും ബേസിൽ തമ്പി, നിധീഷ് എന്നിവർ മൂന്നുവിക്കറ്റ് വീതവും വീഴ്‌ത്തി.
കേരളത്തിന്‍റെ ഒന്നാം ഇന്നിംഗ്സ് 185 റൺസിന് അവസാനിച്ചിരുന്നു.
