വെല്ലിംഗ്ടൺ: ന്യൂസിലൻഡിനെതിരായ ആദ്യ ട്വന്റി20യിൽ ഇന്ത്യക്ക് കൂറ്റൻ തോൽവി. 80 റൺസിനാണ് കിവീസ് ഇന്ത്യയെ തോൽപ്പിച്ചത്. 220 റൺസ് വിജയലക്ഷ്യവുമായി ഇറങ്ങിയ ഇന്ത്യക്ക് 19.2 ഓവറിൽ 139 റൺസ് എടുക്കുന്നേ കഴിഞ്ഞുള്ളൂ
ടോസ് നേടി ബൗളിംഗ് തെരഞ്ഞെടുത്ത ഇന്ത്യൻ നായകൻ രോഹിത് ശർമ്മയുടെ തീരുമാനം തെറ്റിച്ചുകൊണ്ടായിരുന്നു കിവീസിന്റെ തുടക്കം. 84 റൺസെടുത്ത ഓപ്പണർ സെയ്ഫെർട്ടാണ് ന്യൂസിലൻഡിന്റെ ടോപ് സ്കോറർ. കോളിൻ മൺറോയും നായകൻ കെയ്ൻ വില്യംസണും 34 റൺസ് വീതം നേടി. നിശ്ചിത 20 ഓവറിൽ ആറ് വിക്കറ്റ് നഷ്ടത്തിലാണ് ന്യൂസിലൻഡ് 219 റൺസെടുത്തത്.
മറുപടി ബാറ്റിംഗിനിറങ്ങിയ ഇന്ത്യൻ നിരയിൽ 39 റൺസ് നേടിയ മഹേന്ദ്ര സിംഗ് ധോണിയാണ് ടോപ്സ്കോറർ.
