Kerala

ഡല്‍ഹിയിലെ തീപിടുത്തം: മരിച്ച മലയാളികളുടെ മൃതദേഹം കൊച്ചിയിലെത്തിച്ചു

കൊച്ചി: ഡല്‍ഹി കരോള്‍ബാഗിലെ ഹോട്ടല്‍ സമുച്ചയത്തിലുണ്ടായ തീപിടുത്തത്തില്‍ മരിച്ച മൂന്ന് മലയാളികളുടെയും മൃതദേഹങ്ങള്‍ കൊച്ചിയിലെത്തിച്ചു. കൊച്ചി ചേരാനെല്ലൂര്‍ സ്വദേശികളായ നളിനിയമ്മ,മക്കളായ വിദ്യാസാഗര്‍,ജയശ്രീ എന്നിവരുടെ മൃതദേഹങ്ങള്‍ രാവിലെ 5 മണിയോടുകൂടിയാണ് കൊച്ചിയിലെത്തിച്ചത്.

നളിനിയമ്മയുടെയും വിദ്യാസാഗറിന്റേയും മൃതദേഹങ്ങള്‍ കുടുംബവീട്ടിലും ജയശ്രീയുടെ മൃതദേഹം ഭര്‍തൃഗൃഹത്തിലുമായിരിക്കും സംസ്‌കരിക്കുക.

കരോള്‍ ബാഗിലെ അര്‍പ്പിത് പാലസ് ഹോട്ടലില്‍ ഇന്നലെ പുലര്‍ച്ചെ നാലരയോടെയാണ് തീപിടുത്തമുണ്ടായത്. ഷോര്‍ട്ട് സര്‍ക്യൂട്ടാണ് അപകടകാരണമെന്നാണ് പ്രാഥമിക വിവരം. ഹോട്ടലിന്റെ നാലാ നിലയിലായിരുന്നു ആദ്യം തീപിടുത്തമുണ്ടായത്. ഇത് പിന്നീട് രണ്ടാം നില വരെ പടര്‍ന്ന് പിടിക്കുകയായിരുന്നു.

അപകടസമയത്ത് 60 താമസക്കാരാണ് ഹോട്ടലില്‍ ഉണ്ടായിരുന്നത്. മരണമടഞ്ഞവരുടെ ആശ്രിതര്‍ക്ക് അഞ്ച് ലക്ഷം രൂപ ധനസഹായം നല്‍കുമെന്ന് ഡല്‍ഹി സര്‍ക്കാര്‍ അറിയിച്ചു.

120 Shares

Please scroll down for comments

വാര്‍ത്തകളോടു പ്രതികരിക്കുന്നവര്‍ അശ്ലീലവും അസഭ്യവും നിയമവിരുദ്ധവും അപകീര്‍ത്തികരവും സ്പര്‍ദ്ധ വളര്‍ത്തുന്നതുമായ പരാമര്‍ശങ്ങള്‍ ഒഴിവാക്കുക. വ്യക്തിപരമായ അധിക്ഷേപങ്ങള്‍ പാടില്ല. ഇത്തരം അഭിപ്രായങ്ങള്‍ സൈബര്‍ നിയമപ്രകാരം ശിക്ഷാര്‍ഹമാണ്. വായനക്കാരുടെ അഭിപ്രായങ്ങള്‍ വായനക്കാരുടേതു മാത്രമാണ്, ജനംടിവിയുടേതല്ല. ദയവായി മലയാളത്തിലോ ഇംഗ്ലീഷിലോ മാത്രം അഭിപ്രായം എഴുതുക. മംഗ്ലീഷ് ഒഴിവാക്കുക.

Back to top button
Close