കൊച്ചി: ഇന്ത്യൻ സൂപ്പർ ലീഗ് ഫുട്ബോളിൽ കേരള ബ്ലാസ്റ്റേഴ്സിന് സ്വന്തം തട്ടകത്തിൽ ആദ്യ ജയം. നിലവിലെ ചാമ്പ്യൻമാരായ ചെന്നയ്ൻ എഫ്സിയെ എതിരില്ലാത്ത മൂന്ന് ഗോളുകൾക്കാണ് ബ്ലാസ്റ്റേഴ്സ് തകർത്തത്. മതേജ് പൊപ്ലാറ്റ്നിക്കിന്റെ ഇരട്ടഗോൾ നേട്ടമാണ് ബ്ലാസ്റ്റേഴ്സിന് തകർപ്പൻ ജയം സമ്മാനിച്ചത്.
23ാം മിനിട്ടിൽ പൊപ്ലാറ്റ്നിക്കിന്റെ ആദ്യ ഗോൾ. 55ാം മിനിട്ടിൽ സ്റ്റൊജനോവിച്ച് നൽകിയ പാസ് വലയിലെത്തിച്ച് പോപ് ലീഡുയർത്തി. 71-ാം മിനിട്ടിൽ മലയാളി താരം സഹൽ അബ്ദുൾ സമദ് ലീഡ് വീണ്ടുമുയർത്തി. അതോടെ ബ്ലാസ്റ്റേഴ്സിന്റെ കൊച്ചിയിലെ ആദ്യ ജയം.സീസണിലെ രണ്ടാം ജയത്തോടെ 14 പോയിന്റുമായി ബ്ലാസ്റ്റേഴ്സ് പട്ടികയിൽ എട്ടാം സ്ഥാനത്തായി.
