മുംബൈ: വിലക്കിന് ശേഷം ടീമിൽ തിരിച്ചെത്തിയ ഇന്ത്യൻ ഓൾ റൗണ്ടർ ഹർദ്ദിക് പാണ്ഡ്യ വീണ്ടും പുറത്ത്. ഓസ്ട്രേലിയയ്ക്ക് എതിരായ ഏകദിന ട്വന്റി20 ടീമുകളിൽ നിന്നാണ് ഹർദ്ദിക് പുറത്തായത്. പുറത്തിനേറ്റ പരിക്കാണ് ഹർദ്ദിക്കിനെ ഒഴിവാക്കാൻ കാരണം. ഹർദ്ദിക്കിന് പകരം രവീന്ദ്ര ജഡേജയെ ഏകദിന ടീമിൽ ഉൾപ്പെടുത്തിയിട്ടുണ്ട്. എന്നാൽ ട്വന്റി 20 ടീമിൽ പകരം ആരെയും ഉൾപ്പെടുത്തിയിട്ടില്ല.
ഏഷ്യാകപ്പിലെ പരിക്കിനുശേഷം കഴിഞ്ഞമാസമാണ് പാണ്ഡ്യ ഇന്ത്യന് ടീമില് മടങ്ങിയെത്തിയത്. ഇതിനിടെ സ്ത്രീത്വത്തെ അപമാനിച്ചെന്ന കാരണത്താല് ടീമില് നിന്ന് സസ്പെന്ഷന് ലഭിക്കുകയും ചെയ്തു. പിന്നീട് വിലക്ക് പിൻവലിച്ച് ടീമിലേക്ക് തിരികെ വിളിക്കുകയായിരുന്നു.
ലോകകപ്പ് അടുത്തിരിക്കെ മികച്ച് ഫോമിലുള്ള പാണ്ഡ്യയുടെ പരിക്ക് ടീമിന് തിരിച്ചടിയാകുമെന്നാണ് വിലയിരുത്തൽ.
