ലോസ് ഏഞ്ജൽസ്: തൊണ്ണൂറ്റിയൊന്നാമത് ഓസ്കർ പുരസ്കാരങ്ങൾ പ്രഖ്യാപിച്ചു. ഗ്രീൻ ബുക്കാണ് മികച്ച ചിത്രം. മികച്ച സംവിധായകനായി അൽഫോൺസോ ക്വാറോൺ തെരഞ്ഞെടുത്തു. റോമയാണ് ചിത്രം. മികച്ച നടൻ റമി മലേക് (ബൊഹീമിയൻ റാപ്സഡി). മികച്ച നടിയായി ഒലീവിയ പോൾമാൻ (ദി ഫേവറിറ്റ്) തെരഞ്ഞെടുക്കപ്പെട്ടു. .
മഹേർഷല അലിയാണ് മികച്ച സഹനടൻ. ഗ്രീൻ ബുക്ക് എന്ന ചിത്രത്തിലെ അഭിനയമാണ് അലിയെ പുരസ്കാരത്തിന് അർഹനാക്കിയത്. മികച്ച സഹനടിക്കുള്ള പുരസ്കാരം ഈഫ് ബീൽ സ്ട്രീറ്റ് കുഡ് ടോക്ക് എന്ന ചിത്രത്തിലൂടെ റജീന കിംഗ് സ്വന്തമാക്കി. മികച്ച ഡോക്യുമെന്ററിയായി ഫീച്ചർ വിഭാഗത്തിൽ ഫ്രീ സോളോ കരസ്ഥമാക്കി.
മികച്ച വിദേശഭാഷാചിത്രത്തിനുള്ള പുരസ്കാരം മെക്സിക്കോയിൽ നിന്നുള്ള റോമ നേടി. റോമ എന്ന ചിത്രത്തിലൂടെ അൽഫോൺസോ ക്വാറോൺ മികച്ച ഛായാഗ്രാഹകനായി. ലോസ് ഏഞ്ജൽസിലെ ഡോൾബി തിയേറ്ററിൽ ആണ് പുരസ്കാര പ്രഖ്യാപനം നടന്നത്.