ദുബായ്: ലോകകപ്പ് ക്രിക്കറ്റുമായി ബന്ധപ്പെട്ടുള്ള ഇന്ത്യയുടെ ആശങ്കകൾ അകറ്റുമെന്ന് ഐസിസി. സുരക്ഷയുടെ കാര്യത്തിൽ പാളിച്ചകളുണ്ടാകാതിരിക്കുന്നതിനുള്ള നടപടികൾ സ്വീകരിക്കുമെന്നും ഐസിസി അറിയിച്ചു. ദുബായിൽ നടന്ന ഐസിസി യോഗത്തിലാണ് ബിസിസിഐയ്ക്ക് ഉറപ്പ് നൽകിയത്.
ഇംഗ്ലണ്ട് ക്രിക്കറ്റ് ബോര്ഡും ഐസിസിയും ലോകകപ്പിന് ആവശ്യമായ എല്ലാ സുരക്ഷ മുന്നൊരുക്കങ്ങളും കൈക്കൊണ്ടിട്ടുണ്ട്. ടൂര്ണ്ണമെന്റിന്റെ ഭാഗമായി എത്തുന്ന താരങ്ങള്, ഉദ്യോഗസ്ഥര്, കാണികള് എന്നിവരുടെ സുരക്ഷ ഉറപ്പാക്കുവാന് തങ്ങൾ പ്രതിജ്ഞാബദ്ധരാണെന്നും ഐസിസി സിഇഒ ഡേവിഡ് റിച്ചാര്ഡ്സണ് പറഞ്ഞു.
പുൽവാമ ഭീകരാക്രമണത്തിന്റെ പശ്ചാത്തലത്തിൽ ലോകകപ്പിനുള്ള സുരക്ഷയിൽ ഇന്ത്യ ആശങ്ക അറിയിച്ചിരുന്നു. ഈ സാഹചര്യത്തിലാണ് ഐസിസി ഇന്ത്യക്ക് ഉറപ്പ് നൽകിയത്.
