ബോളിവുഡില് നിന്നും മറ്റൊരു ബ്രഹ്മാണ്ഡ ചിത്രം കൂടി പുറത്തിറങ്ങുന്നു. അഭിഷേക് വര്മ്മന് സംവിധാനം ചെയ്യുന്ന ബിഗ് ബജറ്റ് ചിത്രം കലങ്കാണ് അണിയറയില് ഒരുങ്ങുന്നത്. ചിത്രത്തിന്റെ ഇന്ന് പുറത്തിറങ്ങിയ ടീസറിന് വന് പ്രേക്ഷക പ്രതികരണമാണ് ലഭിച്ചുകൊണ്ടിരിക്കുന്നത്.
ചരിത്രകഥയെ ആസ്പദമാക്കി ഒരുക്കിയിരിക്കുന്ന ചിത്രം താരപ്പൊലിമയാല് സമ്പന്നമാണ്. വരുണ് ധവാന്, ആദിത്യ റോയ് കപൂര്, സഞ്ജയ് ദത്ത്, മാധുരി ദിക്ഷിത്, സോനാക്ഷി സിന്ഹ, ആലിയ ഭട്ട് തുടങ്ങിയ വന് താര നിര തന്നെ ചിത്രത്തില് അണിനിരക്കുന്നുണ്ട്. അഭിഷേക് വര്മനാണ് ചിത്രം സംവിധാനം ചെയ്തിരിക്കുന്നത്.
1945 കാലഘട്ടത്തിന് മുന്പുള്ള കഥയാണ് ചിത്രത്തിന് ആധാരമായിരിക്കുന്നത്. തൊണ്ണൂറുകളിലെ ഹിറ്റ് ജോഡികളായിരുന്ന സഞ്ജയ് ദത്തും മാധുരി ദിക്ഷിത്തും വീണ്ടും ഒന്നിക്കുന്നുവെന്ന പ്രത്യേകതയും ചിത്രത്തിന് സ്വന്തം.
മാധുരി ദീക്ഷിത്തിന്റെ മനം മയക്കുന്ന നൃത്തവും ടീസറില് ഹൈലൈറ്റ് ചെയ്തിട്ടുണ്ട്. കൂടാതെ ആലിയയുടേയും സോനാക്ഷിയുടേയും സാന്നിധ്യവും ടീസറില് ജ്വലിച്ചു നില്ക്കുന്നു.
ചിത്രത്തിനായി തിരഞ്ഞെടുത്തിരിക്കുന്നത് അതിമനോഹരമായ സെറ്റുകളാണ്. കൊട്ടാര പശ്ചാത്തലമായതിനാല് തന്നെ അലങ്കാരങ്ങള്ക്കും പൊലിമയ്ക്കും വളരെയധികം പ്രാധാന്യം നല്കിയിരിക്കുന്നു.
ചിത്രം ഏപ്രില് 19 ന് തിയേറ്ററുകളിലെത്തും.