MovieEntertainment

രാജസേനന്‍ പ്രധാന കഥാപാത്രത്തിലെത്തുന്ന ‘പ്രിയപ്പെട്ടവര്‍’ നാളെ തിയേറ്ററുകളിലെത്തും

ഒരു ഇടവേളയ്ക്ക് ശേഷം ഹിറ്റ് സംവിധായകന്‍ രാജസേനന്‍ പ്രിയപ്പെട്ടവര്‍ എന്ന ചിത്രവുമായി പ്രേക്ഷകരുടെ മുന്നിലെത്തുന്നു. ചിത്രത്തില്‍ ഇരുത്തം വന്ന രാഷ്ട്രീയക്കാരന്റെ വേഷമാണ് രാജസേനന്‍ അവതരിപ്പിക്കുന്നത്.
മതസ്പര്‍ദ്ധ ഉളവാക്കുന്ന രാഷ്ട്രീയകക്ഷികള്‍ക്കിടയില്‍ രാജ്യത്തെ പ്രാണവായു പോലെ സ്‌നേഹിക്കുന്ന ഒരു മനുഷ്യസ്‌നേഹിയുടെ കഥയാണ് പ്രിയപ്പെട്ടവര്‍ എന്ന സിനിമയയിലൂടെ വരച്ചു കാട്ടുന്നത്. കേരളത്തിലെ ചുവപ്പന്‍ ഭീകരതയ്ക്കും ലൗ ജിഹാദിനുമെനെതിരെ ചിത്രം വിരല്‍ ചൂണ്ടുന്നു.

അച്ഛന്റെ വിശ്വാസങ്ങളെയും പ്രവര്‍ത്തികളെയും എതിര്‍ത്ത മകന് സ്വന്തം പുത്രനില്‍ നിന്നും അതേ അനുഭവം നേരിടേണ്ടി വരികയും തുടര്‍ന്ന് സ്വന്തം നാട്ടില്‍ തിരിച്ചെത്തി സാമൂഹ്യപ്രവര്‍ത്തനങ്ങളില്‍ മുഴുകുകയും ചെയ്യുന്നതാണ് ചിത്രത്തിന്റെ ഇതിവൃത്തം. ഒരച്ഛന്റെ വ്യഥകളെ അതേ വികാരതീവ്രതയോടെ ചിത്രത്തില്‍ ആവിഷ്‌കരിച്ചിരിക്കുന്നു.

രാജസേനന്റെ ഉറ്റ സ്‌നേഹിതന്റെ വേഷത്തില്‍ എം ആര്‍ ഗോപകുമാര്‍ എത്തുമ്പോള്‍ തൊണ്ണൂറുകളിലെ ഹിറ്റ് നായിക ചാര്‍മിള സഹോദരിയുടെ വേഷത്തിലെത്തുന്നു. ഇവരെക്കൂടാതെ രമേശ് ഗോപാല്‍, രഞ്ജിത്, ബഷീര്‍, യതികുമാര്‍, കലാഭവന്‍ നവാസ്, കനകലത എന്നിവരും മറ്റ് പ്രധാന വേഷങ്ങളില്‍ എത്തുന്നു.

ചിത്രം സംവിധാനം ചെയ്തിരിക്കുന്നത് ഖാദര്‍ മൊയ്തു ആണ്. സംഗീതം ബാലകൃഷ്ണന്‍ അമ്പലപ്പുഴ. ഛായാഗ്രഹണം നിര്‍വ്വഹിച്ചിരിക്കുന്നത് മധു ആണ്.

മാര്‍ച്ച് 22 ന് ചിത്രം തിയേറ്ററുകളിലെത്തും.

2K Shares

Please scroll down for comments

വാര്‍ത്തകളോടു പ്രതികരിക്കുന്നവര്‍ അശ്ലീലവും അസഭ്യവും നിയമവിരുദ്ധവും അപകീര്‍ത്തികരവും സ്പര്‍ദ്ധ വളര്‍ത്തുന്നതുമായ പരാമര്‍ശങ്ങള്‍ ഒഴിവാക്കുക. വ്യക്തിപരമായ അധിക്ഷേപങ്ങള്‍ പാടില്ല. ഇത്തരം അഭിപ്രായങ്ങള്‍ സൈബര്‍ നിയമപ്രകാരം ശിക്ഷാര്‍ഹമാണ്. വായനക്കാരുടെ അഭിപ്രായങ്ങള്‍ വായനക്കാരുടേതു മാത്രമാണ്, ജനംടിവിയുടേതല്ല. ദയവായി മലയാളത്തിലോ ഇംഗ്ലീഷിലോ മാത്രം അഭിപ്രായം എഴുതുക. മംഗ്ലീഷ് ഒഴിവാക്കുക.

Back to top button
Close