Entertainment

ജയലളിതയുടെ ജീവിതം അഭ്രപാളിയിലേയ്ക്ക്: കങ്കണ റനൗട്ട് പുരട്ചി തലൈവിയാകും

പെണ്‍പെരുമയുടെ വീര്യം ഭരണത്തില്‍ പ്രതിഫലിപ്പിച്ച തമിഴ്‌നാടിന്റെ സ്വന്തം അമ്മയുടെ ജീവിതം അഭ്രപാളിയില്‍. പെണ്‍കരുത്തിന്റെ പര്യായമായിരുന്ന, കാലയവനികയ്ക്കുള്ളില്‍ മറഞ്ഞ തമിഴ് നാടിന്റെ സ്വന്തം വിപ്ലവകാരിയായ നേതാവ് ജെ.ജയലളിത.

‘മക്കള്‍ തിലകം’ എം.ജി.ആറിന്റെ ഇദയക്കനിയായിരുന്ന ജയലളിത 1982ലാണ് അണ്ണാ ഡി.എം.കെയില്‍ ചേരുന്നത്. ജയലളിതയുടെ പിന്നീടുള്ള വളര്‍ച്ച ചരിത്രം. തമിഴ്‌നാട് രാഷ്ട്രീയത്തില്‍ മാറ്റത്തിന്റെ പ്രകമ്പനം വിളിച്ചോതി ആറ് പ്രാവശ്യം മുഖ്യമന്ത്രിയായി. തമിഴക രാഷ്ട്രീയത്തിലെ പുരുഷാധികാര കേന്ദ്രങ്ങളെ തകര്‍ത്തെറിഞ്ഞാണ് ജെ ജയലളിത തമിഴ് രാഷ്ട്രീയത്തിലെ ചക്രവര്‍ത്തിനിയായി വാണത്.

ജയലളിതയുടെ ചിത്രം വെള്ളിവെളിച്ചത്തിലെത്തുമ്പോള്‍ ആ കഥാപാത്രത്തെ യാഥാര്‍ത്ഥ്യമാക്കാന്‍ ചിത്രത്തിന്റെ സംവിധായകന് മുഖങ്ങള്‍ അധികം തിരയേണ്ടി വന്നില്ല. അതെ അത് കങ്കണ തന്നെയാണ്.

മദ്രസപ്പട്ടണവും ദൈവത്തിരുമകന്‍ തുടങ്ങിയ ഹിറ്റ് ചിത്രങ്ങള്‍ അണിയിച്ചൊരുക്കിയ എ.എല്‍ വിജയ് ആണ് ചിത്രം സംവിധാനം ചെയ്യുന്നത്.

ജയ എന്ന പേരില്‍ ഹിന്ദിയിലും തലൈവി എന്ന പേരില്‍ തമിഴിലും പുറത്തിറങ്ങുന്ന ചിത്രം കങ്കണയുടെ കൈയ്യില്‍ സുരക്ഷിതമായിരിക്കുമെന്ന് സംവിധായകന്‍ വിജയ് പറഞ്ഞു.

ചിത്രത്തിന്റെ തിരക്കഥ രചിച്ചിരിക്കുന്നത് കെവി വിജയേന്ദ്ര പ്രസാദ് ആണ്.

ചിത്രം ഈ വര്‍ഷം അവസാനം പുറത്തിറങ്ങുമെന്ന് അണിയറപ്രവര്‍ത്തകര്‍ പറഞ്ഞു.

196 Shares

Post Your Comments

വാര്‍ത്തകളോടു പ്രതികരിക്കുന്നവര്‍ അശ്ലീലവും അസഭ്യവും നിയമവിരുദ്ധവും അപകീര്‍ത്തികരവും സ്പര്‍ദ്ധ വളര്‍ത്തുന്നതുമായ പരാമര്‍ശങ്ങള്‍ ഒഴിവാക്കുക. വ്യക്തിപരമായ അധിക്ഷേപങ്ങള്‍ പാടില്ല. ഇത്തരം അഭിപ്രായങ്ങള്‍ സൈബര്‍ നിയമപ്രകാരം ശിക്ഷാര്‍ഹമാണ്. വായനക്കാരുടെ അഭിപ്രായങ്ങള്‍ വായനക്കാരുടേതു മാത്രമാണ്, ജനംടിവിയുടേതല്ല. ദയവായി മലയാളത്തിലോ ഇംഗ്ലീഷിലോ മാത്രം അഭിപ്രായം എഴുതുക. മംഗ്ലീഷ് ഒഴിവാക്കുക.

Back to top button
Close