ജെയ്പൂർ: ഐപിഎൽ ക്രിക്കറ്റിൽ രാജസ്ഥാൻ റോയൽസിനെതിരേ കിംഗ്സ് ഇലവൻ പഞ്ചാബിന് 14 റൺസ് ജയം. ജയ്പൂരിൽ നടന്ന മത്സരത്തിൽ 185 റൺസ് വിജയലക്ഷ്യം പിന്തുടർന്ന രാജസ്ഥാന് നിശ്ചിത ഓവറിൽ 9 വിക്കറ്റ് നഷ്ടത്തിൽ 170 റൺസെടുക്കാനേ കഴിഞ്ഞുള്ളു. എട്ട് ഓവറിൽ വിക്കറ്റ് നഷ്ടം കൂടാതെ 78 റൺസ് നേടിയ ശേഷമായിരുന്നു രാജസ്ഥാന്‍റെ തക‍ർച്ച.
69 റൺസെടുത്ത ജോസ് ബട്‍ലറാണ് ടോപ് സ്കോറ‍ർ. സഞ്ജു സാംസൺ 30 റൺസ് നേടി.
ആദ്യം ബാറ്റുചെയ്ത പഞ്ചാബ് നിശ്ചിത ഓവറിൽ നാല് വിക്കറ്റ് നഷ്ടത്തിലാണ് 184 റൺസെടുത്തത്. 47 പന്തിൽ 79 റൺസെടുത്ത ഗെയിലിന്‍റെ തകർപ്പൻ ബാറ്റിംഗാണ് പഞ്ചാബിന് കരുത്തായത്. ഐപിഎല്ലിൽ വേഗത്തിൽ 4000 റൺസ് തികയ്‌ക്കുന്ന താരമായി ഗെയ്ൽ മാറി. 112 ഇന്നിംഗ്സിൽ നിന്നാണ് കരീബിയൻ താരത്തിന്‍റെ നേട്ടം.
