ന്യൂഡൽഹി: ഐപിഎല്ലിൽ തുടർച്ചയായ രണ്ടാം ജയവുമായി ചെന്നൈ സൂപ്പർ കിംഗ്സ്. ഡൽഹിയിൽ നടന്ന ആവേശകരമായ മത്സരത്തിൽ ഡൽഹി ക്യാപ്പിറ്റൽസിനെ ആറ് വിക്കറ്റിനാണ് ധോണിയും കൂട്ടരും കീഴടക്കിയത്. 148 റൺസ് വിജയലക്ഷ്യം രണ്ട് പന്ത് ശേഷിക്കേയാണ് ചെന്നൈ മറികടന്നത്.
26 പന്തിൽ 44 റൺസെടുത്ത ഷെയ്ൻ വാട്സനാണ് കളിയിലെ താരം. ധോണി 32 റൺസുമായി പുറത്താകാതെ നിന്നു. ടോസ് നേടി ആദ്യം ബാറ്റുചെയ്ത ഡൽഹി നിശ്ചിത ഓവറിൽ ആറ് വിക്കറ്റ് നഷ്ടത്തിലാണ് 147റൺസെടുത്തത്. ശിഖർ ധവാൻ 51 റൺസെടുത്തു. ബ്രാവോ മൂന്ന് വിക്കറ്റ് വീഴ്ത്തി.
ഇന്ന് നടക്കുന്ന മത്സരത്തിൽ കൊൽക്കത്ത നൈറ്റ് റൈഡേഴ്സും കിംഗ്സ് ഇലവൻ പഞ്ചാബും ഏറ്റുമുട്ടും.രാത്രി എട്ടിന് കൊൽക്കത്തയിലാണ് മത്സരം.
