Entertainment

കേന്ദ്രസര്‍ക്കാരിനെതിരെ ഉയരുന്ന അഴിമതി ആരോപണങ്ങളിലെ സത്യാവസ്ഥ തുറന്ന് കാണിച്ച് ഒരു ഹ്രസ്വചിത്രം; പ്രേക്ഷകപ്രശംസ നേടി റഫേല്‍

കേന്ദ്രസര്‍ക്കാരിനെയും സര്‍ക്കാരിന്റെ പദ്ധതികളെ കുറിച്ചും ജനങ്ങളെ കൂടുതല്‍ അവബോധമുള്ളവരുമാക്കുന്ന ഷോര്‍ട്ട് ഫിലിം ശ്രദ്ധ നേടുന്നു. റഫേല്‍ ഒരു ആവിഷ്‌കാര സ്വാതന്ത്ര്യം എന്ന പേരില്‍ ഒരുക്കിയിരിക്കുന്ന ചിത്രത്തിന് പിന്നില്‍ പ്രവര്‍ത്തിച്ചത് ഒരു കൂട്ടം ചെറുപ്പക്കാരാണ്. റഫേല്‍ അഴിമതിയെക്കുറിച്ച് തനിക്ക് ഒരു ന്യൂസ് സ്റ്റോറി ചെയ്യാന്‍ അതിനെക്കുറിച്ച് കൂടുതല്‍ വിവരങ്ങള്‍ നല്‍കണമെന്ന് തന്റെ കൂട്ടുകാരനോട് ചിത്രത്തിലെ മറ്റൊരു കഥാപാത്രം പറയുന്നിടത്താണ് ഷോര്‍ട്ട് ഫിലിമിന് ജീവന്‍ വയ്ക്കുന്നത്.

ഇതിന് ശേഷം ഇവര്‍ തമ്മില്‍ നടത്തുന്ന സംഭാഷണങ്ങളിലൂടെയാണ് കഥ കടന്നു പോകുന്നത്. റഫേല്‍ ഇടപാടിനെക്കുറിച്ചും, പ്രതിപക്ഷം ഇതിനെ വിമര്‍ശിക്കുന്നതിന് പിന്നിലുള്ള കാരണങ്ങളെ കുറിച്ചും ചിത്രത്തില്‍ വ്യക്തമായി പ്രതിപാദിക്കുന്നു. കോണ്‍ഗ്രസ് കഴിഞ്ഞ അഞ്ച് വര്‍ഷത്തിനിടെ നേരിട്ട അഴിമതി ആരോപണങ്ങളും ഇതില്‍ കാണിക്കുന്നുണ്ട്. ഗോഹത്യയുടെ പേരിലുണ്ടാകുന്ന പ്രശ്‌നങ്ങള്‍, ശൗചാലയങ്ങളുടെ നിര്‍മാണം, കര്‍ഷകരുടെ അക്കൗണ്ടിലേക്ക് 6000 രൂപ നല്‍കുന്ന പദ്ധതി തുടങ്ങി പ്രതിപക്ഷം ഉന്നയിക്കുന്ന പല പ്രശ്‌നങ്ങളുടേയും സത്യാവസ്ഥ ഇതില്‍ തുറന്നു കാണിക്കുന്നുണ്ട്.

രാഹുല്‍ കൃഷ്ണയാണ് ചിത്രത്തിന്റെ രചനയും സംവിധാനവും നിര്‍വഹിച്ചിരിക്കുന്നത്. ദുര്‍ഗാദാസാണ് നിര്‍മാണം. സാഗര്‍, ഹരി, വിഷ്ണു തുടങ്ങിയവരാണ് ചിത്രത്തില്‍ അഭിനയിച്ചിരിക്കുന്നത്.

2K Shares

Please scroll down for comments

വാര്‍ത്തകളോടു പ്രതികരിക്കുന്നവര്‍ അശ്ലീലവും അസഭ്യവും നിയമവിരുദ്ധവും അപകീര്‍ത്തികരവും സ്പര്‍ദ്ധ വളര്‍ത്തുന്നതുമായ പരാമര്‍ശങ്ങള്‍ ഒഴിവാക്കുക. വ്യക്തിപരമായ അധിക്ഷേപങ്ങള്‍ പാടില്ല. ഇത്തരം അഭിപ്രായങ്ങള്‍ സൈബര്‍ നിയമപ്രകാരം ശിക്ഷാര്‍ഹമാണ്. വായനക്കാരുടെ അഭിപ്രായങ്ങള്‍ വായനക്കാരുടേതു മാത്രമാണ്, ജനംടിവിയുടേതല്ല. ദയവായി മലയാളത്തിലോ ഇംഗ്ലീഷിലോ മാത്രം അഭിപ്രായം എഴുതുക. മംഗ്ലീഷ് ഒഴിവാക്കുക.

Back to top button
Close