അമര് അക്ബര് ആന്റണി, കട്ടപ്പനയിലെ ഹൃത്വിക് റോഷന് എന്നീ ഹിറ്റ് ചിത്രങ്ങള്ക്ക് ശേഷം നാദിര്ഷ സംവിധാനം ചെയ്യുന്ന പുതിയ ചലച്ചിത്രം മേരാ നാം ഷാജി ഏപ്രില് 5 ന് തിയേറ്ററുകളിലെത്തും. ബിജു മേനോന്റെ സമീപകാല ചിത്രങ്ങളുടെ ഹൈലൈറ്റായ കോമഡി തന്നെയാകും ഈ ചിത്രത്തിന്റെയും പ്രമേയം.
ബിജു മേനോന്, ആസിഫ് അലി,ബൈജു എന്നിവരാണ് ചിത്രത്തിലെ കേന്ദ്രകഥാപാത്രങ്ങളായ മൂന്ന് ഷാജിയെന്ന കഥാപാത്രങ്ങളെയും അവതരിപ്പിക്കുന്നത്. കോഴിക്കോട്, കൊച്ചി, തിരുവനന്തപുരം എന്നീ ജില്ലകളില് നിന്നാണ് മൂന്ന് ഷാജിമാരും രംഗപ്രവേശം നടത്തുന്നത്. ഇവരുടെ ഭാഷാ ശൈലി ചിരിയുടെ മാലപ്പടക്കത്തിന് തിരി കൊളുത്തുമെന്ന് അണിയറപ്രവര്ത്തകര് അവകാശപ്പെടുന്നു.
ബി.രാകേഷാണ് ചിത്രം നിര്മ്മിച്ചിരിക്കുന്നത്. ദിലീപ് പൊന്നനാണ് തിരക്കഥ. ഛായഗ്രഹണം വിനോദ് ഇളംപിള്ളി. സംഗീത സംവിധാനം ചെയ്തിരിക്കുന്നത് എമില് മുഹമ്മദ് ആണ്.
ശ്രീനിവാസന്, നിഖില വിമല്, മൈഥിലി, ധര്മ്മജന്, എന്നിവരും ചിത്രത്തില് പ്രധാന കഥാപാത്രങ്ങളെ അവതരിപ്പിക്കുന്നു.
