India

ബംഗാളിൽ ബിജെപി ഓഫീസുകൾക്ക് നേരെ തൃണമൂൽ ആക്രമണം

സിലിഗുരി: ബംഗാളിലെ സിലിഗുരിയിൽ ബിജെപി ബൂത്ത് ഓഫീസുകൾക്ക് നേരെ ആക്രമണം. അജ്ഞാതരായ മൂന്നംഗ സംഘമാണ് ആക്രമണം നടത്തിയത്. മൂന്ന് ഓഫീസുകളും പൂർണമായും തകർക്കപ്പെട്ടു.

ഞായറാഴ്ച രാത്രിയായിരുന്നു ആക്രമണം. ആക്രമണത്തിന് പിന്നിൽ തൃണമൂൽ കോൺഗ്രസ്സ് പ്രവർത്തകരാണെന്ന് സൂചനകളുണ്ട്.

ലോകസ്ഭാ തിരഞ്ഞെടുപ്പിൽ ബിജെപി മുന്നേറ്റമുണ്ടാകുമെന്ന് ഭയന്നാണ് തൃണമൂൽ കോൺഗ്രസ്സ് പ്രവർത്തകർ ആക്രമണം അഴിച്ചു വിടുന്നതെന്ന് ബിജെപി ആരോപിക്കുന്നു. ലോക്സഭാ തിരഞ്ഞെടുപ്പിൽ പല മണ്ഡലങ്ങളിലും ബിജെപി തൃണമൂൽ കോൺഗ്രസ്സിന് ഭീഷണിയാകുമെന്ന് സർവേ ഫലങ്ങൾ പുറത്തു വന്നിരുന്നു.

ബംഗാളിലെ ഡാർജലിംഗ്, റായ്ഗഞ്ച്, ജല്പായ്ഗുരി എന്നീ മണ്ഡലങ്ങളിൽ ഏപ്രിൽ 18നാണ് തിരഞ്ഞെടുപ്പ്. അലിപുർദാർ, കുഛ്ബിഹാർ മണ്ഡലങ്ങളിൽ ഏപ്രിൽ 11ന് തിരഞ്ഞെടുപ്പ് നടന്നിരുന്നു.

280 Shares

Please scroll down for comments

വാര്‍ത്തകളോടു പ്രതികരിക്കുന്നവര്‍ അശ്ലീലവും അസഭ്യവും നിയമവിരുദ്ധവും അപകീര്‍ത്തികരവും സ്പര്‍ദ്ധ വളര്‍ത്തുന്നതുമായ പരാമര്‍ശങ്ങള്‍ ഒഴിവാക്കുക. വ്യക്തിപരമായ അധിക്ഷേപങ്ങള്‍ പാടില്ല. ഇത്തരം അഭിപ്രായങ്ങള്‍ സൈബര്‍ നിയമപ്രകാരം ശിക്ഷാര്‍ഹമാണ്. വായനക്കാരുടെ അഭിപ്രായങ്ങള്‍ വായനക്കാരുടേതു മാത്രമാണ്, ജനംടിവിയുടേതല്ല. ദയവായി മലയാളത്തിലോ ഇംഗ്ലീഷിലോ മാത്രം അഭിപ്രായം എഴുതുക. മംഗ്ലീഷ് ഒഴിവാക്കുക.

Back to top button
Close