കൊളംബൊ: ഏകദിന ക്രിക്കറ്റ് ലോകകപ്പിനുള്ള ശ്രീലങ്കൻ ടീമിനെ പ്രഖ്യാപിച്ചു. ദിമുത് കരുണരത്നെയാണ് നായകൻ. മുതിർന്ന താരങ്ങളായ ലസിത് മലിംഗയും എയ്ഞ്ചലോ മാത്യൂസും ടീമിൽ ഇടം നേടിയപ്പോൾ ദിനേശ് ചണ്ഡിമൽ ഉപുൽ തരംഗ എന്നിവർക്ക് ടീമിൽ സ്ഥാനം നേടാനായില്ല.
വിക്കറ്റ് കീപ്പർ ബാറ്റ്സ്മാൻ നിരോഷൻ ഡിക്വെല്ല, ഓഫ് സ്പിന്നർ അകില ധനഞ്ജയ, ഓപ്പണിംഗ് ബാറ്റ്സ്മാൻ ധനുഷ്ക ഗുണതിലകെ എന്നീ പ്രമുഖ താരങ്ങളും ഒഴിവാക്കപ്പെട്ടു. ജെഫ്രി വാൻഡെർസെ, മിലിന്ദ സിരിവർധനെ, ജീവൻ മെൻഡിസ് തുടങ്ങിയവർ ടീമിൽ തിരിച്ചെത്തി.
ടീം: ദിമുത് കരുണരത്നെ (ക്യാപ്റ്റൻ), അവിഷ്ക ഫെർണാണ്ടോ, ലഹിരു തിരിമന്നെ, കുശാൽ മെൻഡിസ്, എയ്ഞ്ചലോ മാത്യൂസ്, ധനഞ്ജയ ഡിസിൽവ, ജെഫ്രി വാൻഡെർസെ, തിസാര പെരേര, ഇസുരു ഉഡാന, ലസിത് മലിംഗ, സുരംഗ ലക്മൽ, നുവാൻ പ്രദീപ്, ജീവൻ മെൻഡിസ്, മിലിന്ദ സിരിവർധനെ.
പതിനഞ്ചംഗ ടീമിന് പുറമെ റിസർവ് താരങ്ങളായി ഒഷാഡ ഫെർണാണ്ടോ, എയ്ഞ്ചെലോ പെരേര, കസുൻ രജിത, വാനിന്ദു ഹസരാംഗ എന്നിവരും ശ്രീലങ്കൻ ലോകകപ്പ് സ്ക്വാഡിന്റെ ഭാഗമാകും.
Sri Lanka have named their #CWC19 squad! 🇱🇰 pic.twitter.com/TPXM4zNVwH
— Cricket World Cup (@cricketworldcup) April 18, 2019
