Tech

അംഗങ്ങളുടെ സ്വകാര്യ വിവരങ്ങള്‍  ചോര്‍ത്തി വീണ്ടും ഫെയ്‌സ്ബുക്ക്

സാന്‍ഫ്രാന്‍സിസ്‌കോ: 15 ലക്ഷം അംഗങ്ങളുടെ ഇ മെയില്‍ ബന്ധങ്ങള്‍ ചോര്‍ത്തി ഫെയ്‌സ്ബുക്ക്. 2016 മെയ് മുതല്‍ അംഗങ്ങളായ 15 ലക്ഷത്തോളം പേരുടെ സ്വകാര്യ വിവരങ്ങള്‍ മനപൂര്‍വ്വമല്ലാതെ അപ്‌ലോഡ് ചെയ്തുവെന്നാണ് ഫെയ്‌സ്ബുക്കിന്റെ വെളിപ്പെടുത്തല്‍.

ഫെയ്‌സ്ബുക്കില്‍ പുതിയ അക്കൗണ്ട് തുടങ്ങുമ്പോള്‍ ഇ-മെയില്‍ ബന്ധങ്ങള്‍ അപ്‌ലോഡ് ചെയ്യുന്ന പതിവ് നേരത്തെ ഉണ്ടായിരുന്നു. എന്നാല്‍ പുതിയ അക്കൗണ്ട് തുറക്കുമ്പോള്‍ അംഗങ്ങളുടെ അറിവോ സമ്മതമോ കൂടാതെ ഫെയ്‌സ്ബുക്ക് അവരുടെ ഇ-മെയില്‍ ബന്ധങ്ങള്‍ ശേഖരിക്കുന്നതായി ആക്ഷേപമുയര്‍ന്നിരുന്നു. ഇതിനെ തുടര്‍ന്ന്  ലോഗിന്‍ ചെയ്യുമ്പോള്‍ ഇ-മെയില്‍ പാസ് വേഡ് വെരിഫിക്കേഷന്‍ നല്‍കുന്ന രീതി മാര്‍ച്ച് മുതല്‍ നിര്‍ത്തലാക്കിയിരുന്നു.

അക്കൗണ്ട് തുറക്കുന്നതിന്റെ ഭാഗമായി ഇ-മെയില്‍ പാസ് വേഡ് നല്‍കുമ്പോള്‍, കോണ്‍ടാക്റ്റുകള്‍ മുഴുവനും ഇംപോര്‍ട്ട് ചെയ്യുന്നതായുള്ള സന്ദേശം ലഭിക്കും. അംഗങ്ങളുടെ അനുമതി ഇല്ലാതെയായിരുന്നു ഇത്തരത്തിലുള്ള അപ്‌ലോഡുകള്‍. ഇത്തരത്തില്‍ ലക്ഷക്കണക്കിന് ഇ-മെയില്‍ കോണ്‍ടാക്റ്റുകളാണ് ഫെയ്‌സ്ബുക്കിന് ലഭിച്ചത്. ഇവയൊന്നും ആര്‍ക്കും ഷെയര്‍ ചെയ്യപ്പെട്ടിട്ടില്ലെന്നും വിവരങ്ങള്‍ ഡിലീറ്റ് ചെയ്യുകയാണെന്നും ഫെയ്‌സ്ബുക്ക് വിശദമാക്കി. സ്വകാര്യ വീഴ്ച്ച സംബന്ധിച്ച് നിരവധി വിമര്‍ശനങ്ങള്‍ മുന്‍പും ഫെയ്‌സ്ബുക്ക് നേരിട്ടിരുന്നു.

102 Shares

Please scroll down for comments

വാര്‍ത്തകളോടു പ്രതികരിക്കുന്നവര്‍ അശ്ലീലവും അസഭ്യവും നിയമവിരുദ്ധവും അപകീര്‍ത്തികരവും സ്പര്‍ദ്ധ വളര്‍ത്തുന്നതുമായ പരാമര്‍ശങ്ങള്‍ ഒഴിവാക്കുക. വ്യക്തിപരമായ അധിക്ഷേപങ്ങള്‍ പാടില്ല. ഇത്തരം അഭിപ്രായങ്ങള്‍ സൈബര്‍ നിയമപ്രകാരം ശിക്ഷാര്‍ഹമാണ്. വായനക്കാരുടെ അഭിപ്രായങ്ങള്‍ വായനക്കാരുടേതു മാത്രമാണ്, ജനംടിവിയുടേതല്ല. ദയവായി മലയാളത്തിലോ ഇംഗ്ലീഷിലോ മാത്രം അഭിപ്രായം എഴുതുക. മംഗ്ലീഷ് ഒഴിവാക്കുക.

Back to top button
Close