Sports

കൊല്‍ക്കത്തക്കെതിരെ ഹൈദരാബാദിന് 9 വിക്കറ്റ് വിജയം

ഹൈദരാബാദ്: ഈ വര്‍ഷത്തെ ഐപിഎല്ലിലെ ഏറ്റവും അപകടകരമായ ഓപ്പണിംഗ് ജോഡി എന്ന് പേരുകേട്ട വാര്‍ണ്ണര്‍-ബെയര്‍ സ്റ്റോ കൂട്ടുകെട്ടിന് മുന്നില്‍ കൊല്‍ക്കത്ത അടിയറവു പറഞ്ഞു.ഹൈദരാബാദിന്റെ വിജയം 9 വിക്കറ്റിന്.

സ്വന്തം കാണികള്‍ക്ക് മുന്നില്‍ നടന്ന മത്സരത്തില്‍ 30 പന്തുകള്‍ ബാക്കി നിര്‍ത്തിയാണ് ഹൈദരാബാദിന്റെ ജയം.160 റണ്‍സ് എന്ന വിജയലക്ഷ്യത്തിലേക്ക് അനായാസം ബാറ്റ് വീശിയ ഓപ്പണിംഗ് സഖ്യത്തിന്റെ മികവിലാണ് മത്സരം ഹൈദരാബാദിന് അനുകൂലമായത്.

ഹൈദരാബാദിന് വേണ്ടി ഡേവിഡ് വാര്‍ണ്ണര്‍ 3 ബൗണ്ടറികളുടേയും 5 സിക്‌സറുകളുടേയും അകമ്പടിയോടെ 38 പന്തില്‍ 67 റണ്‍സ് എടുത്തപ്പോള്‍ ജോണി ബെയര്‍ സ്‌റ്റോ 43 പന്തില്‍ 80 റണ്‍സ് നേടി പുറത്താകാതെ നിന്നു.131 റണ്‍സിന്റെ കൂട്ടുകെട്ടുണ്ടാക്കിയ ശേഷമാണ് ഇവര്‍ പിരിഞ്ഞത്.കൊല്‍ക്കത്തക്ക് വേണ്ടി പ്രഥ്വിരാജ് വാര്‍ണ്ണറിന്റെ വിക്കറ്റ് നേടി.

നേരത്തെ നിശ്ചിത ഓവറില്‍ 8 വിക്കറ്റ് നഷ്ടത്തിലാണ് കൊല്‍ക്കത്ത 159 റണ്‍സ് നേടിയത്.ഓപ്പണര്‍ ക്രിസ് ലിന്‍ അര്‍ദ്ധ സെഞ്ച്വറി(51) നേടി.സുനില്‍ നരെയ്ന്‍ 25 റണ്‍സെടുത്ത് പുറത്തായി.കഴിഞ്ഞ മത്സരങ്ങളിലെ വെടിക്കെട്ട് ബാറ്റ്‌സ്മാന്‍ ആന്ദ്രെ റസല്‍ 9 പന്തില്‍ 15 റണ്‍സിനും ക്യാപ്റ്റന്‍ ദിനേഷ് കാര്‍ത്തിക് 6 റണ്‍സിനും പുറത്തായി.

ഹൈദരാബാദിന് വേണ്ടി ഖലീല്‍ അഹമ്മദ് 3 വിക്കറ്റും ഭുവനേശ്വര്‍ കുമാര്‍ 2 വിക്കറ്റും വീഴ്ത്തി.പോയിന്റ് പട്ടികയില്‍ 9 മത്സരങ്ങളില്‍ 5 വിജയവും 4 തോല്‍വിയമായി ഹൈദരാബാദ് 4-ാം സ്ഥാനത്താണ്.

99 Shares

Post Your Comments

വാര്‍ത്തകളോടു പ്രതികരിക്കുന്നവര്‍ അശ്ലീലവും അസഭ്യവും നിയമവിരുദ്ധവും അപകീര്‍ത്തികരവും സ്പര്‍ദ്ധ വളര്‍ത്തുന്നതുമായ പരാമര്‍ശങ്ങള്‍ ഒഴിവാക്കുക. വ്യക്തിപരമായ അധിക്ഷേപങ്ങള്‍ പാടില്ല. ഇത്തരം അഭിപ്രായങ്ങള്‍ സൈബര്‍ നിയമപ്രകാരം ശിക്ഷാര്‍ഹമാണ്. വായനക്കാരുടെ അഭിപ്രായങ്ങള്‍ വായനക്കാരുടേതു മാത്രമാണ്, ജനംടിവിയുടേതല്ല. ദയവായി മലയാളത്തിലോ ഇംഗ്ലീഷിലോ മാത്രം അഭിപ്രായം എഴുതുക. മംഗ്ലീഷ് ഒഴിവാക്കുക.

Back to top button
Close