ലോകമെമ്പാടുമുള്ള സ്മാര്ട്ട് ഫോണ് പ്രേമികള് കാത്തിരുന്ന വണ്പ്ലസ് 7, വണ്പ്ലസ് 7 പ്രോ മോഡലുകള് ഇന്ത്യന് വിപണിയിലേക്ക്. മെയ് 14 മുതല് ആമസോണിലും വണ്പ്ലസ് സ്റ്റോറുകളിലും വണ്പ്ലസ് 7 സീരീസ് മോഡലുകള് ലഭ്യമായി തുടങ്ങും. വണ് പ്ലസ് കമ്പനി ട്വീറ്ററിലൂടെയാണ് ഇക്കാര്യം വ്യക്തമാക്കിയത്.
6.7 ഇഞ്ച് സ്ക്രീന്, ഫോണിന്റെ പിന്നിലുള്ള 48+8 എംപി സെന്സര് ക്യാമറ, 16 എംപി ഫ്രണ്ട് ക്യാമറ, 4000 എംഎഎച്ച് ബാറ്ററി, ഫിംഗര്പ്രിന്റ് സെന്സര് എന്നിവയാണ് വണ് പ്ലസ് 7 പ്രോയുടെ പ്രത്യേകതകള്.
6.4 ഇഞ്ച് വാട്ടര് ഡ്രോപ് ഡിസൈന് സ്ക്രീന്, ഫിംഗര്പ്രിന്റ് സെന്സര് എന്നിവയെല്ലാം വണ്പ്ലസ് 7 നെ ആകര്ഷണീയമാക്കുന്നു. 4000 എംഎഎച്ചാണ് ഫോണിന്റെ ബാറ്ററി ശേഷി. 48+16 എംപി ബാക്ക് ക്യാമറയും, മുന്നില് 16 എംപി സെന്സര് ക്യാമറയുമാണ് ഉള്ളത്. 8 ജിബി റാം, 855 സ്നാപ്ഡ്രാഗണ് പ്രോസസര് എന്നിവയും ഫോണിലുണ്ട്.
വണ് പ്ലസ് 7ന് 40,000 രൂപയും, വണ് പ്ലസ് 7 പ്രോയ്ക്ക് 50,000 രൂപയുമാണ് പ്രതീക്ഷിക്കുന്നത്.