ഗോകുലം മൂവീസിന്റെ ബാനറില് വി എം വിനു സംവിധാനം നിര്വ്വഹിക്കുന്ന പുതിയ ചിത്രം കുട്ടിമാമയുടെ ട്രെയിലര് പുറത്തിറങ്ങി. മെയ് രണ്ടാം വാരം ചിത്രം പ്രദര്ശനത്തിനെത്തും. ഹാസ്യത്തിനു പ്രാധാന്യം നല്കികൊണ്ടുള്ള ചിത്രമാണ് കുട്ടിമാമ.
ശ്രീനിവാസനും, ധ്യാന് ശ്രീനിവാസനും ആദ്യമായി ഓണ് സ്ക്രീനില് പ്രധാന വേഷങ്ങളില് എത്തുന്ന ചിത്രമാണ് കുട്ടിമാമ. കാര്ഗില് യുദ്ധത്തില് പങ്കെടുത്ത ഒരു ജവാന്റെ കഥയാണ് നര്മ്മത്തിന്റെ അകമ്പടിയോടെ ചിത്രത്തില് പറയുന്നത്. മീര വാസുദേവും, ദുര്ഗ്ഗ കൃഷ്ണയുമാണ് ചിത്രത്തിലെ നായികമാര്. തന്മാത്ര എന്ന ബ്ലെസ്സി ചിത്രത്തിലൂടെ പ്രേക്ഷകരുടെ പ്രിയങ്കരിയായ മീര വാസുദേവിന്റെ വലിയ ഒരു ഇടവേളക്ക് ശേഷമുള്ള തിരിച്ചു വരവ് കൂടിയാണ് ചിത്രം.
മനാഫ് തിരക്കഥയെഴുതിയ ചിത്രത്തിന് വിഎം വിനുവിന്റെ മകന് വരുണാണ് ഛായാഗ്രഹണം നിര്വ്വഹിക്കുന്നത്. സംഗീത സംവിധായകന് രാജാമണിയുടെ മകന് അച്ചു രാജാമണിയാണ് ചിത്രത്തിന്റെ സംഗീതവും പശ്ചാത്തല സംഗീതവും നിര്വ്വഹിക്കുന്നത്. എഡിറ്റിംഗ് ഷമീര് മുഹമ്മദും നിര്വഹിക്കുന്നു. കുട്ടിമാമയുടെ കോ പ്രൊഡ്യൂസഴ്സ് വി സി പ്രവീണ് , ബൈജു ഗോപാലന് എന്നിവരാണ്..എക്സിക്യൂട്ടീവ് പ്രൊഡ്യൂസഴ്സ് – സുധാകര് ചെറുകുറി, കൃഷ്ണമൂര്ത്തി. ചിത്രത്തിന്റെ പ്രൊഡക്ഷന് കണ്ട്രോളര് അരോമ മോഹനും പ്രൊഡക്ഷന് എക്സിക്യൂട്ടീവ്സ് സുരേഷ് മിത്രകാരി, സജി കുണ്ടറ. പി.ആര്.ഒ വാഴൂര് ജോസ്, ആതിര ദില്ജിത്ത്.
വിശാഖ്, നിര്മ്മല് പാലാഴി, മഞ്ജു പത്രോസ്, പ്രേംകുമാര്, കലിംഗ ശശി, വിനോദ്, കക്ക രവി, കലാഭവന് റഹ്മാന്, സയന, സന്തോഷ് കീഴാറ്റൂര് എന്നിവരാണ് മറ്റു വേഷങ്ങളില് എത്തുന്നത്. സെന്ട്രല് പിക്ചേഴ്സാണ് ചിത്രം പ്രദര്ശനത്തിനെത്തിക്കുന്നത്.
