ഹാപ്പി ഹവേഴ്സിന്റെ ബാനറില് സമീര് താഹിര്, ഷൈജു ഖാലിദ്, ലിജോ ജോസ് പെല്ലിശ്ശേരി, ചെമ്പന് വിനോദ് ജോസ് എന്നിവര് ചേര്ന്ന് നിര്മ്മിച്ച് നവാഗതനായ അഷ്റഫ് ഹംസ തിരക്കഥ എഴുതി സംവിധാനം ചെയ്യുന്ന ചിത്രം ‘തമാശ’ യിലെ ‘പാടി ഞാന് ‘എന്ന ഗാനത്തിന്റെ പൂര്ണ്ണരുപം പുറത്തിറങ്ങി.
പ്രണയഗാനങ്ങളുടെ പതിവ് ശൈലിയില് നിന്നും തികച്ചും വ്യത്യസ്തമായ ഗാനം ഇതിനോടകം തന്നെ ആസ്വാദകഹൃദയങ്ങള് ഏറ്റെടുത്തു കഴിഞ്ഞു. പാട്ടിനൊപ്പം തന്നെ ഹിറ്റാവുകയാണ് പ്രേമത്തള്ള് എന്ന വാക്കും. നിരവധി പേര് ഇതിനോടകം തന്നെ വീഡിയോ കണ്ടുകഴിഞ്ഞു.
കഴിഞ്ഞ ദിവസം പാട്ടിന്റെ പ്രമോ വീഡിയോ അണിയറ പ്രവര്ത്തകര് പുറത്തുവിട്ടിരുന്നു. പാട്ടിന്റെ ആദ്യവരി മാത്രം പുറത്തുവിട്ട പ്രമോ വീഡിയോയ്ക്ക് മികച്ച സ്വീകാര്യതയാണ് ലഭിച്ചത്. അധ്യാപകന്റെ വേഷത്തിലെത്തുന്ന വിനയ് ഫോര്ട്ടിന്റെ പ്രണയാര്ദ്രമായ നോട്ടം ഓരോ പ്രേക്ഷക ഹൃദയത്തേയും ആഴത്തില് സ്പര്ശിച്ചിട്ടുണ്ട്.
തിരക്കഥാകൃത്തും സംവിധായകനുമായ മുഹ്സിന് പരാരിയാണു പാട്ടിന്റെ വരികള് എഴുതിയിരിക്കുന്നത്. റെക്സ് വിജയന്, ഷഹബാസ് അമന് എന്നിവരാണ് ചിത്രത്തിനു സംഗീത സംവിധാനം നിര്വഹിച്ചിരിക്കുന്നത്.