ആരോഗ്യം സംരക്ഷിക്കാന് കഴിക്കേണ്ട ഫലങ്ങളില് ഏറ്റവും മികച്ചതാണ് മാതളം. പോഷകങ്ങളുടെ കലവറയായ മാതളം കഴിക്കുന്നതുകൊണ്ട് ധാരാളം ഗുണങ്ങള് ഉണ്ട്. കാര്ബോഹൈഡ്രേറ്റ്സ് നിറഞ്ഞ മാതളനാരങ്ങ രോഗപ്രതിരോധ ശേഷി വര്ധിപ്പിക്കുകയും ദഹന പ്രശ്നങ്ങള്ക്ക് പരിഹാരം കാണുകയും ചെയ്യുന്നു.
വിളര്ച്ചയുള്ളവര് മാതളം കഴിക്കുന്നത് ശീലമാക്കണം. മാതളത്തില് അടങ്ങിയിരിക്കുന്ന വിറ്റാമിന് സി ഇരുമ്പിന്റെ ആഗിരണം വര്ധിപ്പിക്കുകയും വിളര്ച്ച തടയുകയും ചെയ്യുന്നു. മാതള ജ്യൂസ് കുടിക്കുന്നതും ശരീരത്തിനു വളരെ ഉത്തമമാണ്.
ഹൃദയത്തില് അടിഞ്ഞു കൂടുന്ന കൊഴുപ്പിനെ ഇല്ലാതാക്കി ഹൃദയാരോഗ്യം സംരക്ഷിക്കാന് മാതളനാരങ്ങ സഹായിക്കും. ധാരാളം ആന്റി ഓക്സിഡന്റുകള് അടങ്ങിയിട്ടുള്ള മാതളനാരങ്ങ രക്തസമ്മര്ദ്ദം കുറയ്ക്കാന് സഹായിക്കും. മാതളത്തില് അടങ്ങിയിട്ടുള്ള നൈട്രിക് ആസിഡ് ധമനികളില് അടിഞ്ഞുകൂടിയിട്ടുള്ള കൊഴുപ്പ് ഇല്ലാതാക്കുകയും കൊളസ്ട്രോള് കുറയ്ക്കുകയും ചെയ്യുന്നു.
വൃക്കരോഗങ്ങള് തടയാനും വൃക്കയുടെ ആരോഗ്യം സംരക്ഷിക്കാനും വൃക്കയിലും മൂത്രാശയത്തിലും ഉണ്ടാകുന്ന കല്ല് അലിയിച്ചു കളയാനും മാതളം സഹായിക്കും. അതുകൊണ്ടു തന്നെ വൃക്കരോഗികള് മാതളം പതിവാക്കുന്നത് പ്രയോജനപ്രദമായിരിക്കും.
ഗര്ഭിണികള് മാതളം കഴിക്കുന്നതിലൂടെ പോഷകം ലഭിക്കുകയും ഗര്ഭസ്ഥ ശിശുവിന്റെ ആരോഗ്യം മെച്ചപ്പെടുകയും ചെയ്യും. ഓര്മ്മശക്തി വര്ധിപ്പിക്കാനും മാതളം സഹായിക്കും. സൗന്ദര്യ സംരക്ഷണത്തിനും ചര്മ്മകാന്തിക്കും മാതളനാരങ്ങ മികച്ചതാണ്.
ക്യാന്സറിനു സാധ്യതയുള്ള മുഴകളുടെ വളര്ച്ച കുറയ്ക്കാനും ക്യാന്സര് സെല്ലുകളെ നശിപ്പിക്കാനും മാതളത്തിനു കഴിയും.
പ്രമേഹം ഇല്ലാതാക്കാനും മാതളം സഹായിക്കും. വിറ്റാമിന്സി, ഇ, കെ, ബി6, ഫൈബര്, പ്രോട്ടീന്, സിങ്ക്, എന്നിവ ധാരാളം അടങ്ങിയിട്ടുള്ള മാതളം അണുബാധയുണ്ടാവാനുള്ള സാധ്യത ഇല്ലാതാക്കുന്നു.
മാതളത്തിന്റെ തൊലിയും പൂവും കായും എല്ലാം ഔഷധഗുണമുള്ളതാണ്. മാതളത്തിന്റെ തോട് നന്നായി ഉണക്കിപ്പൊടിച്ച് കുരുമുളക് പൊടിയും ഉപ്പും ചേര്ത്ത പല്ല് തേക്കുന്നത് ദന്തക്ഷയം തടയുകയും മോണയെ ബലപ്പെടുത്തുകയും ചെയ്യുന്നു.
മാതള നാരങ്ങ കഴിച്ചാല് പ്രായത്തെ തോല്പ്പിക്കാം.നിത്യ യൗവ്വനം നേടാം. ആയുസ്സ് കൂട്ടാനും സഹായിക്കും എന്നതാണ് മാതള നാരങ്ങയുടെ മറ്റൊരു സവിശേഷത. പ്രായമാകുമ്പോള് കോശത്തിലെ ഡി.എന്.എയ്ക്ക് സംഭവിക്കുന്ന ഓക്സീകരണം മാതളത്തിന്റെ സ്ഥിരമായ ഉപയോഗം മൂലം കുറയുമെന്നും പഠനങ്ങള് പറയുന്നു.
