വിശാഖപട്ടണം: ഐപിഎൽ ക്രിക്കറ്റിലെ എലിമിനേറ്റർ മത്സരത്തിൽ ഡൽഹി ക്യാപിറ്റൽസും സൺറൈസേഴ്സ് ഹൈദരാബാദും നേർക്കുനേർ. ശ്രേയസ് അയ്യരും ഋഷഭ് പന്തും ഉൾപ്പെട്ട യുവനിരയുടെ കരുത്തിലാണ് ഡൽഹിയുടെ പ്രതീക്ഷ. അവസാന ഒൻപത് മത്സരങ്ങളിൽ ഏഴും ജയിച്ച ഡൽഹി തികഞ്ഞ അത്മവിശ്വാസവുമായാണ് പോരാട്ടത്തിന് ഇറങ്ങുന്നത്.
സീസണിൽ ആറു ജയം മാത്രം നേടിയ ഹൈദരാബാദ് നെറ്റ് റൺ റേറ്റിന്റെ ആനുകൂല്യത്തിലാണ് പ്ലേ ഓഫ് ഉറപ്പിച്ചത്. ലോകകപ്പിന്റെ മുന്നൊരുക്കത്തിനായി ഡേവിഡ് വാർണറും ജോണി ബെയർസ്റ്റോയും നാട്ടിലേക്ക് മടങ്ങിയത് ടീമിന് തിരിച്ചടിയായി.
ഇന്ന് ജയിക്കുന്ന ടീം വെള്ളിയാഴ്ച നടക്കുന്ന രണ്ടാം ക്വാളിഫയറിൽ ചെന്നൈ സൂപ്പർ കിംഗ്സുമായി ഏറ്റുമുട്ടും.