Sports

സഹൽ ബ്ലാസ്റ്റേഴ്സിൽ തുടരും; കരാർ 2022 വരെ നീട്ടി

കൊച്ചി: അറ്റാക്കിംഗ് മിഡ്ഫീൽഡറായ മലയാളി താരം സഹൽ അബ്ദുൾ സമദ് കേരള ബ്ലാസ്റ്റേഴ്സിൽ തുടരും. ബ്ലാസ്റ്റേഴ്സുമായി 2022 വരെയാണ് സഹൽ കരാർ ഒപ്പിട്ടിരിക്കുന്നത്. സഹലുമായുള്ള കരാര്‍ നീട്ടിയതായി ബ്ലാസ്റ്റേഴ്‌സ് മാനേജ്‌മെന്റ് അറിയിച്ചു. കഴിഞ്ഞ സീസണിലെ എമർജിംഗ് പ്ലെയർ അവാർഡിന് അർഹനായ താരമാണ് സഹൽ.

കണ്ണൂര്‍ സ്വദേശിയായ 22 കാരനായ സഹല്‍ അബ്ദുള്‍ സമദ് 2017 ലാണ് കേരള ബ്ലാസ്റ്റേഴ്‌സില്‍ എത്തുന്നത്. ബ്ലാസ്റ്റേഴ്‌സ് റിസര്‍വ് ടീമിനു വേണ്ടി സെക്കന്‍ഡ് ഡിവിഷന്‍ ഐ-ലീഗ് ഫുട്‌ബോളില്‍ കാഴ്ച വെച്ച മികച്ച പ്രകടനാണ് സഹലിന് ബ്ലാസ്റ്റേഴ്‌സിന്റെ സീനിയര്‍ ടീമിലേക്കുള്ള വഴി തുറന്നത്. ഐഎസ്എല്‍ അഞ്ചാം സീസണിൽ ബ്ലാസ്റ്റേഴ്‌സ് നിരാശപ്പെടുത്തിയെങ്കിലും സഹല്‍ മികച്ച പ്രകടനമാണ് കാഴ്ചവെച്ചത്.

ഞങ്ങൾ കേരളത്തോ​ട്​ ഇഷ്​ടപ്പെട്ട കളിക്കാരനാരാണെന്ന്​​ ചോദിച്ചു. സഹൽ അബ്​ദുൽ സമദ് ആണെന്നായിരുന്നു കേരളം മറുപടി പറഞ്ഞത്. അതുകൊണ്ട്​ സഹലിന്റെ കരാർ 2022 വരെ നീട്ടുന്നുവെന്ന്​ ബ്ലാസ്റ്റേഴ്സ് ട്വിറ്ററിൽ പോസ്​റ്റ്​ ചെയ്​ത വീഡിയോയിൽ പറയുന്നു.

69 Shares

Please scroll down for comments

വാര്‍ത്തകളോടു പ്രതികരിക്കുന്നവര്‍ അശ്ലീലവും അസഭ്യവും നിയമവിരുദ്ധവും അപകീര്‍ത്തികരവും സ്പര്‍ദ്ധ വളര്‍ത്തുന്നതുമായ പരാമര്‍ശങ്ങള്‍ ഒഴിവാക്കുക. വ്യക്തിപരമായ അധിക്ഷേപങ്ങള്‍ പാടില്ല. ഇത്തരം അഭിപ്രായങ്ങള്‍ സൈബര്‍ നിയമപ്രകാരം ശിക്ഷാര്‍ഹമാണ്. വായനക്കാരുടെ അഭിപ്രായങ്ങള്‍ വായനക്കാരുടേതു മാത്രമാണ്, ജനംടിവിയുടേതല്ല. ദയവായി മലയാളത്തിലോ ഇംഗ്ലീഷിലോ മാത്രം അഭിപ്രായം എഴുതുക. മംഗ്ലീഷ് ഒഴിവാക്കുക.

Back to top button
Close