കൊച്ചി: അറ്റാക്കിംഗ് മിഡ്ഫീൽഡറായ മലയാളി താരം സഹൽ അബ്ദുൾ സമദ് കേരള ബ്ലാസ്റ്റേഴ്സിൽ തുടരും. ബ്ലാസ്റ്റേഴ്സുമായി 2022 വരെയാണ് സഹൽ കരാർ ഒപ്പിട്ടിരിക്കുന്നത്. സഹലുമായുള്ള കരാര് നീട്ടിയതായി ബ്ലാസ്റ്റേഴ്സ് മാനേജ്മെന്റ് അറിയിച്ചു. കഴിഞ്ഞ സീസണിലെ എമർജിംഗ് പ്ലെയർ അവാർഡിന് അർഹനായ താരമാണ് സഹൽ.
കണ്ണൂര് സ്വദേശിയായ 22 കാരനായ സഹല് അബ്ദുള് സമദ് 2017 ലാണ് കേരള ബ്ലാസ്റ്റേഴ്സില് എത്തുന്നത്. ബ്ലാസ്റ്റേഴ്സ് റിസര്വ് ടീമിനു വേണ്ടി സെക്കന്ഡ് ഡിവിഷന് ഐ-ലീഗ് ഫുട്ബോളില് കാഴ്ച വെച്ച മികച്ച പ്രകടനാണ് സഹലിന് ബ്ലാസ്റ്റേഴ്സിന്റെ സീനിയര് ടീമിലേക്കുള്ള വഴി തുറന്നത്. ഐഎസ്എല് അഞ്ചാം സീസണിൽ ബ്ലാസ്റ്റേഴ്സ് നിരാശപ്പെടുത്തിയെങ്കിലും സഹല് മികച്ച പ്രകടനമാണ് കാഴ്ചവെച്ചത്.
ഞങ്ങൾ കേരളത്തോട് ഇഷ്ടപ്പെട്ട കളിക്കാരനാരാണെന്ന് ചോദിച്ചു. സഹൽ അബ്ദുൽ സമദ് ആണെന്നായിരുന്നു കേരളം മറുപടി പറഞ്ഞത്. അതുകൊണ്ട് സഹലിന്റെ കരാർ 2022 വരെ നീട്ടുന്നുവെന്ന് ബ്ലാസ്റ്റേഴ്സ് ട്വിറ്ററിൽ പോസ്റ്റ് ചെയ്ത വീഡിയോയിൽ പറയുന്നു.
Sahal ini nammude swantham! 💛#SahalStays #KeralaBlasters pic.twitter.com/TzNjayidVd
— K e r a l a B l a s t e r s F C (@KeralaBlasters) May 11, 2019