മനുഷ്യനെ പ്രകൃതിയോടടുപ്പിക്കുന്ന ഗാനവുമായി എത്തുകയാണ് ഏലേലോ എന്ന മ്യൂസിക് ആല്ബം. ഗ്രാമീണതയുടെ താളത്തില് ഒഴുകിയെത്തുന്ന ഗാനം അണിയിച്ചൊരുക്കിയത് ഉത്തര മലബാറിലെ പ്രമുഖ മ്യൂസിക് ബാന്റായ സി മേജര് സെവന് ആണ്.
സി മേജര് സെവന്റെ ആദ്യ സിംഗിള് ആല്ബമാണ് ‘ഏലേലോ’ .യൂട്യൂബില് റിലീസ് ചെയ്ത ഗാനം ഇതിനോടകം തന്നെ പ്രേഷക ശ്രദ്ധ ആകര്ഷിച്ച് കഴിഞ്ഞു. പ്രകൃതിയും മനുഷ്യനും തമ്മിലുള്ള സഹവര്ത്തിത്വമാണ് ഏലേലോ ഉയര്ത്തുന്ന സന്ദേശം.
പ്രവാസ ലോകത്ത് നിന്നും എത്തുന്ന ഒരു കുട്ടി ആദ്യമായ് പ്രകൃതിയുടെ മടിതട്ടിലേക്ക് ഇറങ്ങി ചെല്ലുന്നതും ആ നന്മകള് ഒരു പിടി മഞ്ചാടിക്കുരുവില് ചേര്ത്ത് പിടിച്ച് പ്രവാസ ജീവിതത്തിലേക്ക് മടങ്ങിപോകുന്നതുമാണ് ഏലേലോയില് ആവിഷ്ക്കരിച്ചിരിക്കുന്നത്.
പ്രകൃതിയുടെ വശ്യ ഭംഗിയിലൂടെ നമ്മെ കൂട്ടികൊണ്ടു പോയി ഒടുവില് കാടും മലയും കാര്ന്നു തിന്നുന്ന കാഴ്ചകളിലേക്ക് എത്തി നില്ക്കുമ്പോള് ഉള്ളില് ഒരു നേര്ത്ത നൊമ്പരം ഓരോ പ്രേക്ഷകന്റേയും ഉള്ളില് അവശേഷിക്കും. വായ്ത്താരി പാട്ടുകളിലൂടെ പ്രേക്ഷക മനസില് ഇടം നേടിയ ഷിജു അമ്പലത്തറയാണ് ഗാനം അലപിച്ചിരിക്കുന്നത്.
തേജസ് കെ ദാസ്, രോഹിത് രാമകൃഷ്ണന് എന്നിവരാണ് ആല്ബത്തിന്റെ സംവിധാനം നിര്വഹിച്ചിരിക്കുന്നത്. ശ്യാം റോയ് ആണ് ഛായാഗ്രഹകന്. പരസ്യ ചിത്രങ്ങളിലൂടെ പ്രശസ്തയായ അംകൃത രശ്മീതാണ് ഏലേലോയില് മുഖ്യ കഥാപാത്രത്തെ അവതരിപ്പിച്ചിരിക്കുന്നത്. അമല്, ദേവനന്ദ്, അമര്ദേവ്, അതിരുദ്ദ് എന്നിവരും പ്രധാന വേഷങ്ങളിലെത്തുന്നുണ്ട്.
പ്രകൃതിയുടെ വശ്യഭംഗിയും മനോഹാരിതയും ഒപ്പിയെടുത്ത് കൊണ്ടാണ് ആല്ബം ചിത്രീകരിച്ചിരിക്കുന്നത്.