ആരോഗ്യമുള്ള ശരീരത്തിന് എല്ലുകളുടെ ബലം അത്യാവശ്യമാണ്. പ്രായം കഴിയുന്തോറും എല്ലുകളുടെ ബലം കുറഞ്ഞു വരുന്നത് സാധാരണയാണ്. അതുകൊണ്ട് തന്നെ എല്ലുകളുടെ സംരക്ഷണം വളരെ പ്രധാനമാണ്. എല്ലുകളുടെ ബലം കൂട്ടാന് ഈ ഭക്ഷണങ്ങള് കഴിക്കാം.
1. പാല്
എല്ലുകളെ ശക്തിപ്പെടുത്താന് കാത്സ്യം ധാരാളമടങ്ങിയ ഭക്ഷണം കഴിക്കണം. ദിവസവും പാല് കുടിക്കുന്നത് ശീലമാക്കിയാല് ശരീരത്തിന് ആവശ്യമായ കാത്സ്യം ലഭിക്കും. ഒരു കപ്പ് പാലില് 250 മില്ലിഗ്രാം കാത്സ്യം അടങ്ങിയിട്ടുണ്ട്. ശരീരത്തില് കാത്സ്യം നിലനിര്ത്താന് സഹായിക്കുന്ന ഘടകവും പാലില് അടങ്ങിയിട്ടുണ്ട്.
പാലുല്പ്പന്നങ്ങളും ഭക്ഷണത്തിലുള്പ്പെടുത്തണം. എല്ലിന്റെ വളര്ച്ചക്ക് പനീര് കഴിക്കുന്നത് നല്ലതാണ്. പനീറിലെ കാത്സ്യം, ഫോസ്ഫറസ് എന്നിവ എല്ലുകളുടെ ബലം കൂട്ടാന് സഹായിക്കുന്നു. എല്ലിന് തേയ്മാനം സംഭവിക്കുന്ന ഓസ്റ്റിയോപൊറോസിസ് പോലുള്ള അസുഖങ്ങളെയും സന്ധിരോഗങ്ങളേയും ഒരു പരിധി വരെ തടയാനും പനീര് സഹായിക്കുന്നു.
2. പയര്വര്ഗങ്ങള്
പയറുവര്ഗങ്ങള് ഭക്ഷണത്തില് ധാരാളമായി ഉള്പ്പെടുത്തുക. ചെറുപയര്, ദാല് എന്നിവ പതിവാക്കുന്നത് എല്ലുകളുടെ സംരക്ഷണത്തിന് വളരെ നല്ലതാണ്.
3. നെല്ലിക്ക
നെല്ലിക്കയിലെ കാത്സ്യം എല്ലുകളുടെ ആരോഗ്യം മെച്ചപ്പെടുത്തുന്നു.
4. ചീര
പോഷകസമൃദ്ധമായ ഭക്ഷണമാണ് ചീര. എല്ലുകള്ക്ക് ബലം കൂട്ടാന് ചീര കഴിക്കുന്നത് നല്ലതാണ്. ഇരുമ്പിന്റെ അംശം കൂടുതലുള്ളതിനാല് വിളര്ച്ച തടയാനും രക്തം വര്ധിപ്പിക്കാനും ചീര സഹായിക്കുന്നു.
5. ചേന
ഫെറ്റോ ഈസ്ട്രജന് ധാരാളമടങ്ങിയ ചേന ആഹാരത്തില് ഉള്പ്പെടുത്താന് ശ്രദ്ധിക്കുക. ഇത് എല്ലുകളുടെ ശക്തി വര്ധിപ്പിക്കുന്നു.
6. നട്ട്സ്
എല്ലുകളുടെ ആരോഗ്യത്തിന് ഏറെ സഹായകകരമായ ഒന്നാണ് നട്ട്സ്. ബദാം, അണ്ടിപ്പരിപ്പ്, പിസ്ത എന്നിവ കഴിക്കുന്നതിലൂടെ എല്ലുകളുടെ ശക്തി വര്ധിക്കുന്നതിന് പുറമെ ഹൃദയ സംബന്ധമായ അസുഖങ്ങള് കുറയ്ക്കുകയും ചെയ്യുന്നു.
7. മധുരക്കിഴങ്ങ്
വൈറ്റമിനുകളുടേയും മിനറലുകളുടേയും കലവറയാണ് മധുരക്കിഴങ്ങ്. മധുരക്കിഴങ്ങില് അടങ്ങിയിരിക്കുന്ന ഇരുമ്പിന്റെ അംശം ശരീരത്തിനാവശ്യമായ ഊര്ജം പ്രദാനം ചെയ്യുാനും മഗ്നീഷ്യം റിലാക്സ് ചെയ്യാനും സഹായിക്കുന്നു.
8. മത്സ്യങ്ങള്
ചെറിയ മുള്ളോട് കൂടിയ മത്സയങ്ങളായ മത്തി, നെയ്മത്തി, നെത്തോലി എന്നിവയില് കാത്സ്യം സമൃദ്ധമാണ്. മത്സ്യം ഭക്ഷണത്തില് ഉള്പ്പെടുത്താന് ശ്രദ്ധിക്കണം.
