Entertainment

ബോളിവുഡിലെ ആദ്യ നൂറുകോടി ചിത്രത്തിന് 25 ; ഹം ആപ്കെ ഹെ കോന്‍ താരങ്ങള്‍ വീണ്ടും ഒത്തുകൂടി

ബോളിവുഡിലെ എക്കാലത്തേയും സൂപ്പര്‍ഹിറ്റും ആദ്യ നൂറു കോടി ചിത്രവുമായ ഹം ആപ്‌കെ ഹെ കോന്‍ന് 25 വര്‍ഷം. മാധുരി ദീക്ഷിതും സല്‍മാന്‍ ഖാനും മത്സരിച്ച് അഭിനയിച്ച സിനിമയായിരുന്നു ഇത്.

25-ാം വാര്‍ഷികത്തിന്റെ ഭാഗമായി കഴിഞ്ഞ ദിവസം ചിത്രത്തിലെ അണിയറ പ്രവര്‍ത്തകരെല്ലാം ചേര്‍ന്ന് ചിത്രത്തിന്റെ സ്പെഷ്യല്‍ സ്‌ക്രീനിങ് നടത്തിയിരുന്നു. പലരും തങ്ങളുടെ ഓര്‍മ്മകള്‍ പങ്കുവെക്കുകയും, ചിത്രത്തിന്റെ ചില സീനുകള്‍ റീക്രിയേറ്റ് ചെയ്യുകയും ചെയ്തു.

1994 ഓഗസ്റ്റ് 5-നാണ് ചിത്രം റിലീസ് ചെയ്തത്. സിനിമയുടെ സംവിധാനം നിര്‍വഹിച്ചത് സൂരജ് ആര്‍ ബാര്‍ത്യയാണ്. രേണുക ഷഹാന, മോഹ്നിഷ് ബഹല്‍, അനുപം ഖേര്‍, റീമ ലഗൂ, അലോക് നാഥ് തുടങ്ങിയവരാണ് ചിത്രത്തില്‍ അഭിനയിച്ച മറ്റ് താരങ്ങള്‍.

ദീദീ തേരാ ദേവര്‍ ദീവാന…., പഹലാ പഹലാ പ്യാര്‍ ഹെ.., ഹം ആപ്‌കെ ഹെ കോന്‍… തുടങ്ങിയ പാട്ടുകള്‍ ഒരിക്കല്‍ പോലും മൂളാത്ത ആരും ഉണ്ടാവില്ല. ചിത്രത്തിലെ 14 പാട്ടുകളും ഹിറ്റായിരുന്നു.

മികച്ച ഫിലിം, മികച്ച സംവിധായകന്‍, മികച്ച നടി എന്നിവയുള്‍പ്പെടെ അഞ്ച് ഫിലിംഫെയര്‍ അവാര്‍ഡുകള്‍ നേടിയ ചിത്രം മികച്ച ജനപ്രിയ ചിത്രത്തിനുള്ള ദേശീയ ചലച്ചിത്ര അവാര്‍ഡും നേടിയിട്ടുണ്ട്.

94 Shares

Scroll down for comments

Post Your Comments

വാര്‍ത്തകളോടു പ്രതികരിക്കുന്നവര്‍ അശ്ലീലവും അസഭ്യവും നിയമവിരുദ്ധവും അപകീര്‍ത്തികരവും സ്പര്‍ദ്ധ വളര്‍ത്തുന്നതുമായ പരാമര്‍ശങ്ങള്‍ ഒഴിവാക്കുക. വ്യക്തിപരമായ അധിക്ഷേപങ്ങള്‍ പാടില്ല. ഇത്തരം അഭിപ്രായങ്ങള്‍ സൈബര്‍ നിയമപ്രകാരം ശിക്ഷാര്‍ഹമാണ്. വായനക്കാരുടെ അഭിപ്രായങ്ങള്‍ വായനക്കാരുടേതു മാത്രമാണ്, ജനംടിവിയുടേതല്ല. ദയവായി മലയാളത്തിലോ ഇംഗ്ലീഷിലോ മാത്രം അഭിപ്രായം എഴുതുക. മംഗ്ലീഷ് ഒഴിവാക്കുക.

Back to top button
Close