ലണ്ടന്‍ :മാര്‍ക്കസ് റാഫോഡിന്റെ പിഴവില്ലാത്ത ഇരട്ട പെനാല്‍റ്റി ഗോളടക്കം നാലു ഗോളിന്റെ മികവില്‍ ചെല്‍സിയെ ഞെട്ടിച്ച് മാഞ്ചസ്റ്റര്‍ യുണൈറ്റഡ് പ്രീമിയര്‍ ലീഗിലെ രണ്ടാം നാള്‍ ഗംഭീരമാക്കി. ചെല്‌സിക്കെതിരെ ഓള്‍ഡ് ട്രാഫോഡിലെ ഏറ്റവും വലിയ വിജയമാണ് മാന്‍യൂ നേടിയത്.
ഫ്രാന്‍ക് ലംപാര്‍ഡ് പരിശീലകനായ ആദ്യമത്സരത്തില്‍ കരയാനായിരുന്നു ചെല്‍സിക്ക് യോഗം.റാഫോഡ് ഗോളുകള്‍ രണ്ടും പെനാല്‍റ്റികളില്‍ നിന്ന് മുതലാക്കിയപ്പോള്‍ മറ്റ് രണ്ടു ഗോളുകള്‍ ആന്റണി മാര്‍ഷ്യലും(65) ഡാനിയേല്‍ ജെയിംസും(81)കൂട്ടിച്ചേര്‍ത്തു.
ആദ്യപകുതിയില്‍ കളംനിറഞ്ഞ് കളിച്ചിട്ടും നീലപ്പടയ്‌ക്ക് വലചലിപ്പിക്കാനായില്ല. ശൗര്യം അല്്പം കൂടിയപ്പോള്‍ എതിരായി വന്ന രണ്ടു പെനാല്‍റ്റികളും വിനയായി മാറി.104 ലീഗ് സീസണിന്റെ ചരിത്രത്തില്‍ ഇതുവരെ ഇത്രയ്‌ക്ക് മോശം തുടക്കം ചെല്‍സിക്കുണ്ടായിട്ടില്ല. മാനേജരായി ചുമതലയേറ്റ ലംപാര്‍ഡ് താന്‍ ഏറെ നാള്‍ കളിച്ച ടീമിന്റെ ഘടനയില്‍ 4 ഹോംഗ്രൗണ്ട് താരങ്ങളെയാണ് നിയോഗിച്ചത്.
ആന്റണി മാര്‍ഷ്യല്‍ ആദ്യമത്സരത്തിലെ ഗോള്‍നേട്ടത്തോടെ 49 ഗോളുകളടിച്ച് മാഞ്ചസ്‌റററിനായി ഏറ്റവുമധികം ഗോളടിക്കുന്ന ആദ്യതാരമായി മാറി.2015ലാണ് മാര്‍ഷ്യല്‍ ടീമിന്റെ ഭാഗമായത.
