മുംബൈ: ബോളിവുഡ് നടൻ ഇമ്രാൻ ഖാനോട് ഒക്ടോബർ 28-നകം ഇന്ത്യ വിടാൻ നിർദേശം നൽകി മുംബൈ പൊലീസ്. വിദേശിയായിട്ടും മുംബൈയിൽ നടന്ന പ്രതിഷേധത്തിൽ പങ്കെടുത്തതിന് പിന്നാലെയാണ് നടപടി. അമേരിക്കൻ പൗരനും ഒ.സി.ഐ (OCI) കാർഡ് ഉടമയുമായ ഇമ്രാൻ ഖാൻ വിദേശികൾക്കും വിദേശ പൗരന്മാർക്കും ബാധകമായ നിയമങ്ങൾ ലംഘിച്ചതിന് പിന്നാലെയാണ് നടപടി.
ബോളിവുഡ് താരം ആമിർ ഖാന്റെ അനന്തിരവനാണ് ഇമ്രാൻ ഖാൻ. ഒക്ടോബർ 10-ന് മുംബൈയിലെ ആഗസ്റ്റ് ക്രാന്തി മൈതാനത്ത് നടന്ന പ്രതിഷേധത്തിനിടെയാണ് പൊലീസ് കസ്റ്റഡിയിലായത്. കോക്രോച്ച് ജനതാ പാർട്ടി (CJP) പ്രതിഷേധത്തിന് പിന്തുണ പ്രഖ്യാപിച്ചായിരുന്നു പരിപാടി. പ്രതിഷേധത്തിൽ പങ്കെടുത്തതിന് പിന്നാലെ ഇമ്രാൻ ഖാനെതിരെ നടപടി വേണമെന്ന് ബിജെപി നേതാവും മുൻ എംപിയുമായ കിരിത് സോമയ്യ ആവശ്യപ്പെട്ടിരുന്നു.
വിദേശ പൗരന്മാർക്ക് ഇന്ത്യൻ പൗരന്മാർക്കുള്ള എല്ലാ രാഷ്‌ട്രീയ അവകാശങ്ങളും ലഭിക്കില്ലെന്നും രാഷ്‌ട്രീയ പ്രതിഷേധങ്ങളിൽ പങ്കെടുത്തത് നിയമലംഘനമാണെന്നുമാണ് അധികൃതർ ചൂണ്ടിക്കാട്ടി. ഇതിന്റെ അടിസ്ഥാനത്തിലാണ് ഇന്ത്യ വിടാൻ നിർദേശിച്ചുള്ള നോട്ടീസ് നൽകിയിരിക്കുന്നത്.
