ഇസ്ലാമാബാദ് : ക്രിക്കറ്റ് , അതിന്റെ ഭരണത്തിലായാലും ,കളിയിലായാലും ഇന്ത്യയെ തന്നെ കണ്ടുപഠിക്കണമെന്ന് പാക് മുൻ ക്രിക്കറ്റ് താരം റമീസ് രാജ .രാജ്യവ്യാപകമായി വേരുകളുള്ള ക്രിക്കറ്റിനെ എങ്ങനെയാണ് മുന്നോട്ടു കൊണ്ടുപോകേണ്ടതെന്ന് ഇന്ത്യൻ ക്രിക്കറ്റ് കൺട്രോൾ ബോർഡിനെ കണ്ടു പഠിക്കണം . മാത്രമല്ല എങ്ങനെ കളിക്കണമെന്ന് കോഹ്ലിയേയും ,സംഘത്തെയും കണ്ട് പഠിക്കണം .
പാകിസ്ഥാന്റെ പ്രകടനം കുമിളയ്‌ക്കുള്ളിലെ കളി പോലെയാണ് . കളിയെ സമീപിക്കുന്ന രീതിയിൽ തന്നെ മാറ്റം വന്നു കഴിഞ്ഞു . ടീമുകൾ തമ്മിലുള്ള നേർക്കുനേർ പോരാട്ടമാണ് ഇപ്പോഴത്തെ പ്രത്യേകത. വിരാട് കോഹ്ലിയേയും സംഘത്തെയും നോക്കുക .
ഇന്ത്യൻ കളിയുടെ രീതിയെ തന്നെ മാറ്റി മറിച്ചു . എതിർ ടീമുകൾ ഏറ്റവും സുന്ദരവും ആകർഷകവുമായി കളിക്കുമ്പോൾ പാകിസ്ഥാൻ ടീം ഇപ്പോഴും 1970കളിൽ തങ്ങിനിൽക്കുകയാണെന്നും റമീസ് തന്റെ യൂ ട്യൂബ് ചാനലിൽ പറഞ്ഞു .
