India

നരേന്ദ്രമോദിയുടെ നയതന്ത്രത്തിന്റെ വിജയം ; 250 ഇന്ത്യൻ തടവുകാരെ മോചിപ്പിക്കുമെന്ന് ബഹ്റിൻ

ന്യൂഡൽഹി : പ്രധാനമന്ത്രി നരേന്ദ്ര മോദിയുമായി നടത്തിയ ചർച്ചയ്ക്ക് പിന്നാലെ 250 ഇന്ത്യൻ തടവുകാരെ മോചിപ്പിക്കുമെന്ന് പ്രഖ്യാപിച്ച് ബഹ്റിൻ . ഹമദ് ബിന്‍ ഇസ അല്‍ ഖലീഫ രാജാവുമായി നടത്തിയ കൂടിക്കാഴ്ച്ചയിലാണ് ഈ തീരുമാനം .

ഇന്ത്യയും ബഹ്റിനുമായും ബന്ധപ്പെട്ട വിവിധ വിഷയങ്ങള്‍ ഇരുവരും നടത്തിയ കൂടിക്കാഴ്ചയില്‍ സംസാരിച്ചതായി പ്രധാനമന്ത്രി നരേന്ദ്രമോദി ട്വീറ്റ് ചെയ്തിരുന്നു .

ബഹറിൻ സന്ദർശിക്കുന്ന ഇന്ത്യയിലെ ആദ്യ പ്രധാനമന്ത്രിയാണ് നരേന്ദ്ര മോദി . ആദ്യ സന്ദർശനത്തിൽ തന്നെ ഇത്രയേറെ മോചിപ്പിക്കാനുള്ള പ്രഖ്യാപനം വരുന്നത് നരേന്ദ്ര മോദിയുടെ നയതന്ത്ര വിജയമാണ് .

രാജ്യത്തിന്റെ ഔദ്യോഗിക ബഹുമതിയായ ‘ദ കിംഗ് ഹമാദ് ഓര്‍ഡര്‍ ഓഫ് ദ റിനൈസന്‍സ്’ നൽകിയാണ് ബഹറിന്‍ മോദിയെ ആദരിച്ചത്. ബഹറിന്‍ രാജാവ് ഹമദ് ബിന്‍ ഇസ അല്‍ ഖലീഫയാണ് ബഹുമതി നല്‍കിയത് .

ബഹറിന്റെ തലസ്ഥാനമായ മനാമയിലെ ശ്രീകൃഷ്ണ ക്ഷേത്രത്തിന്റെ നവീകരണപ്രവര്‍ത്തനവും അദ്ദേഹം ഉദ്ഘാടനം ചെയ്തു . മാത്രമല്ല എല്ലാ ഭാരതീയരുടെയും പേരിൽ ബഹ്റിൻ രാജാവിനു നന്ദി പറഞ്ഞ മോദി അദ്ദേഹത്തെ ഇന്ത്യ സന്ദർശിക്കാനായി ക്ഷണിക്കുകയും ചെയ്തു.

2K Shares

Scroll down for comments

Post Your Comments

വാര്‍ത്തകളോടു പ്രതികരിക്കുന്നവര്‍ അശ്ലീലവും അസഭ്യവും നിയമവിരുദ്ധവും അപകീര്‍ത്തികരവും സ്പര്‍ദ്ധ വളര്‍ത്തുന്നതുമായ പരാമര്‍ശങ്ങള്‍ ഒഴിവാക്കുക. വ്യക്തിപരമായ അധിക്ഷേപങ്ങള്‍ പാടില്ല. ഇത്തരം അഭിപ്രായങ്ങള്‍ സൈബര്‍ നിയമപ്രകാരം ശിക്ഷാര്‍ഹമാണ്. വായനക്കാരുടെ അഭിപ്രായങ്ങള്‍ വായനക്കാരുടേതു മാത്രമാണ്, ജനംടിവിയുടേതല്ല. ദയവായി മലയാളത്തിലോ ഇംഗ്ലീഷിലോ മാത്രം അഭിപ്രായം എഴുതുക. മംഗ്ലീഷ് ഒഴിവാക്കുക.

Back to top button
Close