India

ഇമ്രാൻ ഖാനെ വില മതിച്ചില്ല , നരേന്ദ്ര മോദിയെ അവാർഡ് നൽകി ആദരിച്ചു ; യു എ ഇ യിലേയ്ക്ക് വരില്ലെന്ന് പാക് സെനറ്റ് ചെയർമാൻ

ഇസ്ലാമാബാദ് ; പാകിസ്ഥാന്റെ എതിർപ്പ് വക വയ്ക്കാതെ ഇന്ത്യൻ പ്രധാനമന്ത്രി നരേന്ദ്ര മോദിയെ ആദരിച്ച പ്രതിഷേധിച്ച് പാക് സെനറ്റ് അംഗത്തിന്റെ യു എ ഇ സന്ദർശനം ഉപേക്ഷിച്ചു . പാക് സെനറ്റ് ചെയർമാൻ സാദിഖ് സൻജ് റാണിയാണ് മുൻ കൂട്ടി നിശ്ചയിച്ചിരുന്ന യാത്ര ഉപേക്ഷിച്ചത് .

പാകിസ്ഥാനെ വിലമതിക്കാതെ ഇന്ത്യൻ പ്രധാനമന്ത്രിയെ ആദരിച്ചതിലൂടെ തങ്ങൾ അപമാനിക്കപ്പെട്ടതായും , കശ്മീർ ജനതയുടെ വികാരങ്ങൾക്ക് മുറിവേറ്റതായുമാണ് സാദിഖ് സൻജ് റാണി മാദ്ധ്യമങ്ങളോട് പറഞ്ഞത് .

കശ്മീർ വിഷയത്തിൽ ഇസ്ലാം രാജ്യങ്ങളുടെ സഹായത്തിനായി പാകിസ്ഥാൻ കേഴുമ്പോൾ ഇമ്രാൻ ഖാന്റെ അപേക്ഷ തള്ളി നരേന്ദ്ര മോദിയെ സ്വീകരിച്ചത് മാത്രമല്ല , രാജ്യത്തിന്റെ പരമോന്നത സിവിലിയൻ ബഹുമതിയും അദ്ദേഹത്തിനു നൽകി . ഇത് പാകിസ്ഥാനെ ഏറെ ചൊടിപ്പിച്ചിട്ടുണ്ട് .

യു എന്നിലടക്കം മറ്റെല്ലാ രാജ്യങ്ങളും ഒറ്റപ്പെടുത്തിയപ്പോഴും ഇസ്ലാം രാഷ്ട്രങ്ങൾ തങ്ങൾക്കൊപ്പം നിൽക്കുമെന്നായിരുന്നു പാകിസ്ഥാന്റെ പ്രതീക്ഷ . എന്നാൽ അതും നിഷ്ഫലമായി . മോദിയുടെ നയതന്ത്രമാണ് അവിടെയും പാകിസ്ഥാന് എതിരായത് .

കശ്മീർ വിഷയം ഇന്ത്യയുടെ ആഭ്യന്തര കാര്യമാണെന്ന നിലപാടാണ് യു എ ഇ യും സ്വീകരിച്ചത് . ഇന്ത്യയുമായുള്ള സൗഹൃദമാണ് വലുതെന്ന് വ്യക്തമാക്കിയാണ് യു എ ഇ പാക് പ്രധാനമന്ത്രി ഇമ്രാൻ ഖാന്റെ അപേക്ഷകൾ തള്ളി നരേന്ദ്രമോദിയ്ക്കായി ഗംഭീര സ്വീകരണം ഒരുക്കിയത് .

4K Shares

Scroll down for comments

Post Your Comments

വാര്‍ത്തകളോടു പ്രതികരിക്കുന്നവര്‍ അശ്ലീലവും അസഭ്യവും നിയമവിരുദ്ധവും അപകീര്‍ത്തികരവും സ്പര്‍ദ്ധ വളര്‍ത്തുന്നതുമായ പരാമര്‍ശങ്ങള്‍ ഒഴിവാക്കുക. വ്യക്തിപരമായ അധിക്ഷേപങ്ങള്‍ പാടില്ല. ഇത്തരം അഭിപ്രായങ്ങള്‍ സൈബര്‍ നിയമപ്രകാരം ശിക്ഷാര്‍ഹമാണ്. വായനക്കാരുടെ അഭിപ്രായങ്ങള്‍ വായനക്കാരുടേതു മാത്രമാണ്, ജനംടിവിയുടേതല്ല. ദയവായി മലയാളത്തിലോ ഇംഗ്ലീഷിലോ മാത്രം അഭിപ്രായം എഴുതുക. മംഗ്ലീഷ് ഒഴിവാക്കുക.

Back to top button
Close