പൂനെ : കടലിലൂടെ വീണ്ടും അക്രമണപദ്ധതികളുമായി പാകിസ്ഥാന് ഭീകരരായ ജയ്ഷെ മുഹമ്മദിന്റെ സംഘം ഒരുങ്ങുന്നതായ സൂചന ലഭിച്ചതായി നാവികസേനാ മേധാവി അഡ്മിറല് കരംബീര് സിംഗ് പറഞ്ഞു.2008ലെ മുംബൈ ആക്രമണത്തിന് ശേഷം കടലിലൂടെ തന്നെ ഭാരതത്തെ ആക്രമിക്കാനുള്ള നീക്കം സമര്ത്ഥമായി നേരിട്ടുതന്നെ തകര്ക്കുമെന്നും ഭാരത നാവികസേനാ മേധാവി വ്യക്തമാക്കി.
ജയ്ഷെ മുഹമ്മദിന്റെ സമുദ്രാന്തര് അക്രമണത്തിന് പരിശീലനം കിട്ടിയവര് തയ്യാറെടുത്തയായുള്ള വിവരമാണ് ലഭിച്ചത്.അവരുടെ സാധ്യമായ മുഴുവന് പദ്ധതികളും സേന മനസ്സിലാക്കിക്കഴിഞ്ഞു.പുല്വാമ അക്രമണം ആസൂത്രണം ചെയതതും ജയ്ഷെ മുഹമ്മദായതിനാല് ഭാരതത്തിനകത്തുള്ളവരെ ഉപയോഗിക്കാനുള്ള സാധ്യതകളും സേന കൃത്യമായി കണക്കുകൂട്ടിയിട്ടുണ്ടെന്നും കരംബീര് സിംഗ് സൂചിപ്പിച്ചു.
മുംബൈ ആക്രമണത്തിന് ശേഷം നമ്മള് തീരസുരക്ഷ ശക്തമാക്കിയിട്ടുണ്ട്.തീരസംരക്ഷണ സേന, തീരദേശ പോലീസ് വിഭാഗം, എന്നിവരെ ചേര്ത്തുള്ള കൂട്ടായ്മയുടെ നേതൃത്വം നാവികസേനയാണ് ഫലപ്രദമായി നിര്വ്വഹിച്ചുകൊണ്ടിരിക്കുന്നതെന്നും സിംഗ് സൂചിപ്പിച്ചു.
